Home General JeanPierre ta conseha hobennan cu a drop-out di scol pa purba Formacion...

JeanPierre ta conseha hobennan cu a drop-out di scol pa purba Formacion Social

1266
0
SHARE
- Advertisement -

ORANJESTAD (AAN): E hoben JeanPierre Janga, ta hopi satisfecho cu loke el a logra den Formacion Social, conoci tambe como SVT.

Su experiencia den trayecto ta hopi dushi.  El a pasa den 4 luna di training militar, y e resto di lunanan tabata pa core stage na compania na Aruba.  E parti cu mas el a gusta ta e training militar.

JeanPierre a dropout na 2016 di scol, a traha den un warehouse pa dos aña y mey.  Su soño semper tabata pa drenta den servicio militar, pero como cu e no a caba su scol, e no a haya chens.

El a mira e Trayecto a habri di SVT, y el a tryout y asina a drenta.  El a pasa den dje, y a yude habri mente bek pa asina e sa kico e por busca den bida.  Esey a pone bay bek scol, y luchando pa su soño.

E biaha aki, di e 20 hobennan cu a drenta, na final 10 a cay afo.

Riba esey, Janga a mustra cu por tin hopi motibo, pero tin ora bo ta kibra den e trayecto, y ta depende di e persona.  Si bo mes kier e, bo ta bay pe!  Asina tur cos den bida ta, pues si bo kier logra algo, bo tin di lucha pe.  Nada ta bin facil y cay di cielo.  Kizas e otronan a demotiva.  E ta duro pero na final di dia e ta yudabo y ta dunabo satisfaccion.

Esey ta exactamente loke nan ta siña den SVT, pa nan bay dilanti, traha hunto, y pa ora di enfrenta publico, nan por tin hopi mas pasenshi pa traha den cierto lugar.

JeanPierre su mensahe ta pa tur esnan na cas cu no a caba scol, no sa kico nan kier den bida, y kier purba algo nobo, e ora trata SVT.  Si bo kier, bo lo logra!  Pone un meta bo dilanti, y djis start cu esaki y no warda pa mañan.

 

- Advertisement -

DUNA COMENTARIO

Please enter your comment!
Please enter your name here