Home General Homber enamora di dos muher a tene ceremonia di compromiso riba beach...

Homber enamora di dos muher a tene ceremonia di compromiso riba beach na Aruba

251
0
SHARE
- Advertisement -

Nan storia a sali riba show House Hunters

ORANJESTAD (AAN): Esnan cu ta costumbra di mira e show “House Hunters” na canal HGTV, a mira algo di Aruba riba Diamars!

Un biaha mas e programa di TV di “House Hunters” cu ta pasa na e canal HGTV, a haci grabacion na Aruba pa un edicion di e show.

E show di TV aki ta graba e proceso casi semper di pareha cu ta sali bay busca un cas pa cumpra, y ta mustrabo con nan ta pasa bishita cada cas pa na final na escoge uno pa cumpra y pa biba aden.

Pero e biaha aki, no ta trata aki di un pareha.  Pues no ta un “couple”.  Pero mas bien ta un tripleha (un “throuple”).  Pues 1 homber den relacion amoroso cu 2 muher.

Ta trata aki di Brian, Lori, y Geli.  Nan a bira e prome throuple pa aparece den e show di House Hunters.  Si acaso bo no sa kico ta un tripleha, esey ta un grupo romantico di tres hende den un relacion poliamoroso.

E episodio titula “Three’s Not a Crowd in Colorado Springs”, a pasa Diamars 12 di Februari, y cameranan a sigui un famia di Texas en busca di un cas perfecto na Colorado.  Nan ta busca un cas cu tin garashi pa 3 auto, un camber principal grandi, y hopi espacio di labamano den baño tabata importante pa e famia, cu ta inclui e dos yiunan di Brian y Lori.

Brian y Lori tabata un pareha casa, ora cu nan a conoce Geli (su nomber mes ta Angelica) na un Bar.  “Mi no tabata planea pa enamora di un pareha casa, pero el a socede naturalmente… organicamente,” Geli a bisa.

Nan tres a viaha bin te Aruba algun luna prome cu nan a filma nan episodio di House Hunters, pa un “ceremonia di compromiso” entre nan tres riba beach.

“E tin nada di haber cu misa ni registro civil,” Brian a bisa.  Semper e tabata sa di e bisexualidad di Lori.  “E ta un compromiso entre nos tres.  Nos tur ta igual den e relacion aki”

Como muestra cu nan tin status igual, Brian y Lori a duna Geli e voto decisivo ora cu nan a keda duda den 3 cas pa cumpra.  Finalmente Geli a escoge esun cu Brian a gusta mas, esta un cas cu tin un bista bunita pa seronan, y cu ta $15.000 riba nan presupuesto.

Reaccion cu a drenta despues cu e show a pasa, ta cu fanaticonan di e show a gusta e episodio, y nan a keda mire te final.

E potretnan aki pa cortesia HGTV.

- Advertisement -

DUNA COMENTARIO

Please enter your comment!
Please enter your name here