Home General Fundacion CVA hopi preocupa cu mal wega entre hobennan

Fundacion CVA hopi preocupa cu mal wega entre hobennan

39
0
SHARE
- Advertisement -

Consecuencianan por ta fatal

ORANJESTAD (AAN):  Azriah Palm di Fundacion CVA Aruba, cu ta atende cu e malesa di atake cerebral of stroke tambe tin su opinion relaciona cu e wega unda muchanan ta wordo poni na mes na peliger.

Palm a expresa cu esaki ta un mal wega cu ta andando y esey a trece preocupacion cerca e miembronan di CVA.

Por wak cu e muchanan ta haya sla na cabez. Cerebro ta un organo hopi vulnerabel pa cualkier sla na cabez. Pesey nan a kere cu mester duna mas informacion cu Fundacion CVA no ta acepta ni tolera e tipo di wega aki.

Door di e wega aki mañan lo haya victimanan drumi, paralitico y den casonan severo morto. Mirando cu den e caso aki ta hobennan ta participando den e wega aki, CVA sigur ta manda un advertencia pa e mayornan pa papia cu nan yiu(nan) tocante e daño cu e mal wega aki ta trece cune, Palm a enfatiza.

CONSECUENCIANAN

Door di e caida e hobennan por fractura nan craneo y eynan e problema mas grandi por bin dilanti y por haya sangramento den e cerebro. Esaki por causa e morto, por haya un atake cerebral. E cerebro ta den un cashi, a bisa y na momento cu e cashi aki crack, e cerebro ta haya un daño masha pisa mes cu e consecuencianan cu por ta fatal, a splica.

No kier mas hende invalido, nin un yiu cu a muri a consecuencia di e mal joke aki, a expresa.

E ta kere cu cada adulto cu wak e tipo di weganan aki mester informa e instancianan concerni.

Te cu awor, a expresa, como docente e no a wak un comunicado sali for di Minister di Enseñanza of Minister di Husticia caminda cu nan ta desaproba e mal wega aki.

Mester wak e caso na Corsow unda tin un mucha drumi y luchando pa su bida. No kier pa ningun caso sosode na Aruba. Pesey e ta haci un yamado na publico pa tuma e asunto aki na serio.

E instancianan concerni cu ta sali na defensa di e muchanan mester actua, pasobra como mayor ningun hende kier scucha cu algo a pasa cu nan yiu, Azriah Palm a expresa.

El a agrega cu el a haya informacion di dos conocir di dje cu tin muchanan aki na Aruba cu a purba di haci e wega aki, pero nan a wordo gara na tempo y nan a ricibi un advertencia. Informacion oficial, a bisa, no tin.

- Advertisement -

DUNA COMENTARIO

Please enter your comment!
Please enter your name here