Home arte y espectaculo Exposicion titula Amor Multicultural Aruba 2020  den Cas di Cultura

Exposicion titula Amor Multicultural Aruba 2020  den Cas di Cultura

110
0
SHARE
- Advertisement -

ORANJESTAD (AAN) – Departamento di Cultura Aruba bou auspicio di Ministerio di Cultura hunto cu Cas di cultura ta apoya e exposicion di e fotografo Hulandes renombra sr. Kees Tabak.

Un exposicion titula  ‘Love Multiculture Aruba’ basa riba potretnan preto y blanco cu un refleho di multiculturalismo.

Un trabou cu a haci durante 2019 na Aruba caminda sr. Kees Tabak a saca un serie di 50 potret intrigando retrato dobel pa hendenan cu ta stima otro como un solo amor, famia of miho amigonan.

Kees Tabak

Kees Tabak ta un fotografo di retrato conoci pa su potretnan icono preto y blanco di algun Pop Starnan grandi cu a haci su carera crece cu pasonan grandi.

Mientras ainda na scol di arte el a cuminsa su carera como un fotografo di punk na un temple di rock Paradiso y ‘The Melkweg’ na Amsterdam.

Su carera a crece cu pasonan grandi, pasobra el a desaroya su propio estilo, y mesora su potretnan a bay rond mundo, manera su potretnan di Prince, Madonna den su studio na Amsterdam, ‘Motorhead’, ‘Captain Beefheart’, Lou Reed, Brain Ferry, pero tambe, ‘The Cramps’ Ramones, Elton John, Frank Zappa, ‘Golden Earring’ y hopi otro mas.

El a sigui haci potretnan en bibo, pero gradualmente a cambia pa potretnan di studio y un diversidad di musiconan di rock artistanan Hulandes y ‘Celebridadnan’.

Un coleccion di su trabou mas famoso ta documenta den su bukinan ‘No More Hero’s’ y ‘Dutch Music’. Kees ta active ainda como fotografo, awendia e tam as ocupa como un excelente sacado di potret haciendo mas proyectonan artistico.

E exposicion aki ‘Love Multicultural Aruba’ ta su ultimo proyecto, 50 potret di parehanan multicultural na Aruba, caminda el a biba fo’i 2018.

E apertura di su exposicion ‘Love Multicultural Aruba’ ta habri riba awe diahuebs 27 di Februari 2020 pa 7 or pm den sala di Exposicion Unoca na Cas di Cultura.

Departamento di Cultura Aruba bou auspicio di Ministerio di Cultura hunto cu Cas di Cultura ta aplaudi e bunita trabou aki di sr. Kees Tabak.

Tambe ta invita henter e pueblo di Aruba, fotografonan y tambe amante di fotografia pa bin presencia y admira e bunita trabou artistico aki di Kees.

- Advertisement -

DUNA COMENTARIO

Please enter your comment!
Please enter your name here