Home General E rescate di 1.6 Biyon y mucho mas

E rescate di 1.6 Biyon y mucho mas

223
0
SHARE
- Advertisement -

Kico lo a pasa si no tabatin eleccion na 2017?

*Ni rapportnan oficial por bisa kico a pasa cu placa

*Awe cu dolor pueblo ta paga pa democracia silencia

ORANJESTAD(AAN)–Duna tempo na tempo pasobra no tin nada scondi cu no ta sali na claridad.

Na 2018 y 2019 na un forma continuo, DIARIO ta produci rapportnan oficial pa bisa pueblo di Aruba pakico awe e ta den dolor. A base di cifranan oficial nos a duna expresion na e sistema democratico, cu ta exigi pa rapportnan di Algemene Rekenkamer Aruba haya tur publicidad pa asina pueblo ta na haltura di loke a pasa cu su placa.

Uno di e acusacionnan grandi den rapportnan oficial cu a mira luz ta, cu democracia a wordo silencia den Parlamento durante e añanan cu tabata spart placa di pueblo sin consenshi.

Awe cu Aruba mester bolbe sinta na mesa cu Hulanda y Comision di Supervision, mentira ta pasa pa historia y berdad ta presenta su mes.

DIARIO a cumpli cu su tarea y a informa pueblo a base di berdad pa asina pueblo por ta prepara pa e realidad cu e mester rescata 1.6 Biyon y mucho mas.

Awe nos mester lansa un pregunta, cu na tanto ocasion a bini dilanti den reportahenan y analisisnan di e berdad financiero y economico di Aruba.

Kico lo a pasa cu Aruba si no tabata tin eleccion na 2017 of e resultado tabata diferente? Kico lo a pasa cu Aruba si gobierno anterior a keda na mando y a sigui trapa riba democracia?

Ora habri rapportnan oficial y ora scucha informacionnan oficial riba placa cu awe Aruba mester paga, ta haya e confirmacion cu di berdad e mayoria grandi den Parlamento cu a sostene gobierno anterior, a trapa riba democracia.

Rapportnan di Algemene Rekenkamer Aruba, e instancia oficial cu ta controla kico ta pasa cu placa di pueblo, a papia mas cu un palabra cla.

Un bista den su rapportnan ta mustra con e constelacion di Parlamento cu a sostene gobierno anterior, a laga placa wordo uza sin ningun control cu ley ta exigi di representacion di pueblo.

E rapportnan ta lansa acusacion directo pa e forma cu a gasta placa di pueblo, cu durante e proximo decadanan, pues te 2030 mester paga sumanan enorme na debe y un sistema di hipoteca placa di pueblo pa proyectonan cu por a costa menos y tabata efectivo.

Kico lo a pasa si no tabata tin eleccion na 2017? Kico lo ta awe di Aruba? Na 2017 Algemene Rekenkamer Aruba a avisa gobierno anterior cu e ta crea un riesgo enorme pa Aruba cu e forma cu e tabata parti proyecto na companianan partner cu e suma di 1.6 Biyon.

Ex Ministro Benny Sevinger ni sikiera a duna Algemene Rekenkamer Aruba e honor di contesta e instancia mas halto riba control financiero di e pais. E mayoria den Parlamento cu tabata sostene gobierno anterior, a cera wowo a no mira e morto di bon gobernacion financiero, cu ta alma di democracia.

Kico mester a pasa si no tabatin eleccion na 2017? Hulanda lo mester a interveni cu tur peso di Statuut pa scapa Aruba for di un abismo

Awe mester busca solucion pa rescata Aruba for di loke a keda atras. 80 Miyon pa aña pa proyectonan cu ta ridiculo pa un pueblo den problema cu Aruba tabata na 2017.

Awe Aruba mester rescata su futuro financiero y economico cu a wordo destrui. Pero Aruba mester rescata su futuro democratico pasobra loke gobierno anterior a laga atras como herencia di eleccion 2017, tabata cadaver di autonomia, di dignidad nacional, di constitucion, di democracia.

 

- Advertisement -

DUNA COMENTARIO

Please enter your comment!
Please enter your name here