Home General Donald Trump e ganado solido na IOWA

Donald Trump e ganado solido na IOWA

32
0
SHARE
- Advertisement -

Eleccion primario a habri cu fayo historico pa Partido Democratico  

  • Un partido cu no por organisa primario no por goberna pais
  • E motibo di un primario y pakico Joe Biden no a haya sosten 

ORANJESTAD(AAN)– E prome eleccion primario pa e eleccionnan presidencial na Merca, a tuma luga dialuna na estado di IOWA, cu tin un historia special den eleccionnan presidencial.

E ciudad cu te ainda ta tene su mes na e tradicion di “caucus”, na diferente ocasion a percura pa sorpresa. No necesariamente su resultadonan ta decisivo pa loke lo pasa na Merca pero si nan ta pone un tono importante.

Na 2020 e momento di IOWA a wordo crea pa representantenan di Partido Democratico den Congreso Mericano despues cu e representacion mayoritario den Cas di Representantenan a forsa e decision pa baha Donald Trump como Presidente di Merca.

E decision aki mester a wordo ratifica den Senado Mericano cu un mayoria Republicano.

Manera DIARIO for di un principio a mustra e por tabata tin un resultado robes pa Partido Democratico, cu a entrega tur pronostico na su fabor den loke a pasa na IOWA.

Segun e sistema electoral na Merca, miembronan di un partido ta scoge delegadonan den tur estado di Estados Unidos di Merca. E delegadonan aki ta bay representa nan decision riba e persona cu mester bira e candidato presidencial di e partido na e convencion nacional di e partido.

Tambe personanan cu a ocupa un puesto oficial na nomber di nan partido, ta yuda dicidi na e convencion di cada partido pa proclama nan candidato.

For di 2019 den seno di Partido Republicano a wordo dicidi cu Donald Trump lo ta e representante di su partido den e proximo eleccion na November venidero. Esaki a keda confirma Dialuna na e eleccion primario na IOWA. Pues Donald Trump a gana e pre eleccion pa Partido Democratico na e estado.

Partido Democratico tabata tin un problema serio cu un avalancha historico di candidato cu tabata opone otro.

Tur atencion di Partido Democratico tabata fiha riba un forma pa baha Donald Trump, cu segun tur informacion awe lo haya sosten di Senado pa e keda Presidente.

Pa prome biaha den historia, erornan sumamente grandi a wordo cometi den seno di Partido Democratico, cu a faya den e forma cu nan mester a atende e primario.

Ora tur persona tabata warda e resultado despues di e eleccion, a resulta cu e sistema a conoce un eror y aunke e cantidad di votonan por a wordo preserva, no por a participa e resultado.

Tur e candidatonan a bay en espera di e resultado ayera cu a trece mas sorpresa. Den e prome resultadonan e Vice Presidente durante gobierno Obama, Joe Biden, no a haya e prome luga cu el a spera pero a sali na di cuatro luga.

Ademas Partido Democratico a haya su mes na careda pasobra ta dificil pa un partido cu kier goberna un pais, ta incapaz di mustra cu e por maneha un eleccion primario.

Te na momento cu DIARIO a cera su edicion di ayera, e resultado final no ta conoci mientras Presidente Trump tabata prepara pa tene su discurso anual riba su maneho, comparabel cu e discurso di gobierno na apertura di Parlamento di Aruba.

For di Dialuna, Donald Trump cu rason tabata mustra cu e tabata e ganado na IOWA,  basando su mes riba su candidatura den Partido Republicano, mientras Partido Democratico ainda tabata spera resultadonan di nan partido.

 

- Advertisement -

DUNA COMENTARIO

Please enter your comment!
Please enter your name here