Home arte y espectaculo Diferente workshop creativo na Cosecha den februari

Diferente workshop creativo na Cosecha den februari

12
0
SHARE
- Advertisement -

ORANJESTAD (AAN) – Cosecha ta organisa diferente workshop creativo den su Centro Creativo na San Nicolas den luna di februari.

Diasabra 15 di februari, Sharina Gumbs ta den Cosecha cu un abstract painting workshop. Despues di asamblea un figura di mata di coco riba canvas, e participantenan lo wordo guia pa pinta nan mesun mata di coco den estilo abstracto. E workshop lo tuma lugar di 02.00 pm – 04.30 pm. Edad pa por participa ta 10 aña bay ariba.

Diamars 18 di februari, Merveline Geerman ta organisa pa e siman di vakantie un tayer di mosaic pa nos muchanan. Durante e workshop aki, muchanan lo siña con pa traha un pushi cu e material di tegel. Esaki lo sosode bou di guia profesional di Merveline. Cu e workshop aki, Cosecha y Merveline tambe kier sigui aporta na siña nos muchanan pa stima bestia. E workshop lo tuma lugar di 10.00 am – 01.00 pm. Edad pa por participa ta 7 aña bai ariba.

Diabierna 21 di februari, Claudia van Kessel ta sigui cu su di tres mosaic workshop di e linea Asiatico cu e ta duna na Cosecha. E biaha aki bo por traha un Waaier Asiatico. Manera ta standard di e workshop aki, ta traha e piesa na Cosecha di cual piesa tin hopi detaye y lo haya material y instruccion pa haci e grout na cas. E workshop lo tuma lugar di 05.00 pm – 07.30 pm. Edad pa por participa ta 15 aña bay ariba.

Diabierna 28 di februari, Merveline Geerman ta sigui cu su tayernan popular di mosaic unda ta traha diferente parha local. E anja aki Merveline ta combina e material di tegel cu material cu e ta obtene den naturalesa. E biaha aki por traha nos parha chuchubi cu ta para riba un cadushi. E workshop lo tuma lugar di 05.00 pm – 08.00 pm. Edad pa por participa ta 15 aña bay ariba.

Diasabra 29 di februari, Gardenia Kock ta ofrece un Mandala workshop unda por traha un Bird House di calabas. Despues di un session cortico di meditacion, Gardenia lo guia participantenan e arte di Mandala pa por decorda nan calabas. E workshop lo tuma lugar di 02.00 pm – 05.00 pm. Edad pa por participa ta 10 aña bay ariba.

Inscripcion ta necesario y esaki ta tuma lugar na Cosecha San Nicolas of na Cosecha Oranjestad.

 

- Advertisement -

DUNA COMENTARIO

Please enter your comment!
Please enter your name here