Home arte y espectaculo Dia 5 di Maart lo tin premiere di e pelicula arubiano ‘Huicio...

Dia 5 di Maart lo tin premiere di e pelicula arubiano ‘Huicio Perfecto’

167
0
SHARE
- Advertisement -

Na Principal San Nicolas

ORANJESTAD (AAN):   Stephanie Croes ta un di e actornan di e pelicula ‘Huicio Perfecto’. Esaki ta un pelicula arubiano cu lo tin su estreno dia 5 di Maart proximo na Principal, San Nicolas.

A laga sa cu e filmacion di e pelicula a dura casi 4 aña door cu e storia a wordo skirbi. E direccion di actuacion tambe a tuma su tempo. Tin hopi actor cu ta bay bin bek den e sentido cu e prome pelicula cu a wordo traha door di e director Angelo Croes tabata ‘Natalia’ na 2016.

Aworaki na 2020 ta sacando ‘Huicio Perfecto’ cu ta e di dos pelicula di Angelo Croes.

Croes su personahe ta Dr. Angela de Cuba, un psicologo y den e pelicula, e motibo principal di su personahe den e pelicula ta pa duna guia y sosten na algun persona.

Tin mas personahenan cu a bin acerca y cu nos a actua den ‘Natalia’ cu ta talentonan nobo. Tin un grupo di mas o menos 100 persona cu a participa y a haci e pelicula aki posibel. Tin personahenan cu ta hopi conoci den comunidad manera Manuel Da Silva cu ta haci e papel di un mafioso, a señala.

E efectonan den e pelicula ta di un calidad hopi mas halto y esey por bay mira proximamente dia 5 di Maart.

E mensahe di e pelicula ta cu den bida tur locual bo haci ta bin bek. Pesey e pelicula yama ‘Huicio Perfecto’. Kiermen e tin di haber cu karma, Stephanie Croes a manifesta.

E actornan a haya training di Charles Croes, cu ta un actor arubiano experimenta cu a actua den e pelicula ‘Flipper’ den añanan 60.

Tambe a haya un tiki training di Toastmasters, cual ta un organizacion internacional cu ta basa su mes riba comunicacion y liderazgo. Tambe esey ta siña e parti di actuacion, a indica.

Stephanie Croes a finaliza bisando cu e dia di e estreno esnan cu a produci e pelicula, algun di e actornan, e director ta sinta hunto den cinema pa wak si e pelicula ta apto. Si e sonido ta bon, e sincronizacion, dialogonan ta bon.

Aworaki no por divulga mucho informacion relaciona cu e pelicula cual a wordo filma na Aruba y vooral den San Nicolas.

- Advertisement -

DUNA COMENTARIO

Please enter your comment!
Please enter your name here