Home Gobierno Declaracion  di Minister Besaril riba su post den Social Media recientemente

Declaracion  di Minister Besaril riba su post den Social Media recientemente

55
0
SHARE
- Advertisement -

ORANJESTAD (AAN): Cas di Aruba na Den Haag, a emiti un boletin Diamars atardi pa duna declaracion di Ministro Plenipotenciario.

Tumando na cuenta e reaccion den comunidad despues di su expresionnan riba rednan social durante e Festival di Soca Monarch na Aruba, Minister Plenipotenciario, sr. Guillfred Besaril ta desea na haci e siguiente declaracion.

“Diadomingo durante e final di “Soca Contest” na Aruba mi a comparti cierto expresionnan riba mi Facebook wall cu a hala atencion di Pueblo y e medionan di comunicacion local. Apesar cu ta trata di expresionnan di indole personal den cual mi no menciona nomber y sin ningun contenido  obsceno alguno, mi ta admiti cu e expresionnan tabata duro y poco efectivo.

Mi ta carga un funcion publico cu obviamente ta duna masha poco espacio pa mi aspectonan personal. Por lo tanto atravez di e comunicado aki mi kier pa comunidad Arubano en general sa cu mi ta respeta e opinion publico duna y cu lo mi tene bon cuenta cu e experiencia aki na momento di expresa mi mes riba rednan social. Di e manera aki mi ta demostra na Pueblo cu mi a compronde nan mensahe.

Mi kier a gradeci tur esnan cu a acerca mi y a comparti tanto nan pensamento como cariño cumi den e ultimo dianan. Y cu e mensahe aki mi kier a probecha na felicita tur e ganadornan di tanto e Festival di Calypso como esnan di Soca.

Terminando mi ta desea tur clase di exito pa esnan cu lo participa den e Festival di Tumba e weekend cu ta bini”, asina Minister Plenipotenciario Guillfred Besaril ta termina su declaracion.

- Advertisement -

DUNA COMENTARIO

Please enter your comment!
Please enter your name here