Home Cultura Decision a cambia y awor Le Groove lo tey tambe pa Arubadag

Decision a cambia y awor Le Groove lo tey tambe pa Arubadag

2944
0
SHARE
— Antoni Gario lo tey toch na Hulanda.
- Advertisement -

ORANJESTAD (AAN): Den DIARIO ya caba a sali e informe, cu e popular grupo Le Groove a haya un contract pa duna presentacion na un fiesta na Rotterdam, Hulanda.

Pero riba Diabierna atardi, e Comision organizador di Arubadag a revela, cu a logra pa Le Groove participa tambe den e evento di Arubadag di 29 di Maart 2020, planea pa tuma lugar na Rotterdam Ahoy.

Den un boletin, nan a splica cu ya pa hopi aña Arubahuis ta organiza e evento di Arubadag cu hopi amor y dedicacion. Tur aña nan ta traha tambe pa mehora y renoba e concepto.

Despues cu Diahuebs mainta nan a anuncia e lineup di e aña aki, a ripara cu esaki no a cay na publico su agrado of no tabata loke pueblo a spera. Arubahuis ta organizado berdad di Arubadag, pero e celebracion aki ta di boso, e comunidad Arubano residencia na Hulanda.

Nan ta consciente cu ta dificil pa complace tur hende y tur gusto, y tur aña tin un of mas critica riba partinan di e evento, na cual criticanan sigur nos ta trata di duna oido y tene na cuenta pa e proximo edicion. E ta obvio si cu e aña aki e escogencia di artistanan no a conta cu e sosten di nos comunidad.

Mirando e situacion financiero precario di pais Aruba e no ta posibel pa invita tur e bandanan of agrupacionnan musical cu ta compaña e diferente ganadornan di Festival na Aruba.

Pa e motibo aki ta invita e ganadornan pa por lo menos deleita e publico presente cu un poco di nos mosaico cultural mane nos dushi Dande, Tumba, Calypso, Soca y Festival Nacional di Himno y Bandera.

  YUDANZA DI SPONSORS:

Tanto e Soca Monarch como e Calypso King a keda invita, a gradici nan pa e invitacion pero no por a acepta esaki pa motibo cu nan ta di opinion cu e ta un logro di nan banda musical y no solamente di nan.  Esnan di Arubahuis a respeta nan decision y a splica respetuosamente cu e presupuesto restringi ta haci cu Arubahuis no tin e espacio financiero necesario e aña aki pa por trece Le Groove y Tsunami Hulanda, cu ta e bandanan cu a compaña nan durante Festival di Calypso & Soca 2020.

Awor nan a informa cu e diferente partnernan di ArubaDag Festival a traha duro e ultimo dos dianan pa logra na yega na un inyeccion financiero adicional. Danki na sponsors y promotornan cu a ofrece pa cubri e gastonan pa trece banda Le Groove Hulanda, nan tin e gusto na anuncia cu Le Groove tambe lo por forma parti di e line-up di ArubaDag Festival 2020.

Mientrastanto ya caba e invitacion a sali pa Le Groove completo t’ey presente na ArubadagFestival 2020.

Mientrastanto  a ricibi e confirmacion oficial y esey ta cu Rey di Tumba Jerino ”Bass” Ridderstap a confirma su participacion na ArubadagFestival 2020.

E team ta revisando tur e informacion y sugerencia cu nan ta ricibiendo di publico y ta analizando na mes momento kico ta e cambionan y mehoramentonan cu nan por realisticamente aplica den transcurso di fin di siman y presenta esaki na publico riba Dialuna venidero.

Nan ta gradici tur hende pa e comentarionan y ta invita tur Arubiano na Hulanda pa yega Ahoy dia 29 di Maart proximo pa hunto celebra ArubadagFestival 2020.

- Advertisement -

DUNA COMENTARIO

Please enter your comment!
Please enter your name here