Home General Coronavirus Covid-19 ta paralisa forsa laboral y produccion di placa

Coronavirus Covid-19 ta paralisa forsa laboral y produccion di placa

189
0
SHARE
- Advertisement -

Advertencianan di DIARIO confirma den desaroyo internacional

  • Pashentnan no por traha y proceso laboral ta tranca rond mundo
  • Covid-19 ta produci perdida enorme pa inversionistanan grandi

ORANJESTAD(AAN)– For di momento cu mundo a haya bista riba e prome efectonan di e coronavirus Covid-19 nobo, DIARIO a adverti cu tur gremio mester a uni pa por confronta e situacion cu a desaroya.

Awe e situacion mundial ta confirma e advertencianan y legitimidad di articulonan di DIARIO riba Covid-19, cu ta paralisa produccion mundial pasobra e ta afecta e forsa laboral, e ta afecta exportacion y importacion y e ta stroba tur planificacion.

Den e edicion di awe DIARIO ta duna mas informacion concreto pa e situacion mundial, cu manera a adverti no ta solamente un asunto di bira malo, pero un asunto di con ta bay atende cu e caos cu e ta provoca rond mundo.

DIARIO na varios ocasion y for di principio di e coronavirus a compara e resultadonan mortal di e enfermedad cu otro enfermedadnan manera AIDS, cu tin mas chens di mata un hende cu coronavirus, segun cifranan.

E problema di Covid-19 ta, cu no tin un forma pa evita cu e ta plama, manera den otro articulo di edicion di awe ta worde bon splica.

E resultado cu si un empleado di un empresa haya e malesa, e chens ta grandi cu tur hende cu tin contacto cu su persona, tambe ta bira pashent.

Na su turno e realidad aki ta haci cu produccion di trabao ta worde paralisa pasobra no tin hende pa traha.

Esaki tabata e problema grandi di China, cu como prome intento pa stop e malesa, a isola hende cu ta e unico paso cu por tuma pa evita cu tur hende ta bira malo. China e stop su produccion mientras cu exportacion y importacion, pues comercio di e pais a tranca.

Esaki ta loke ta e miedo grandi cu tin actualmente na mundo, cu ta enfrenta scarsedad di producto manera DIARIO a adverti tambe.

Den varios articulo, DIARIO ta awe den extenso despues cu for di e prome momentonan el a pidi gremionan, comercio y sindicato, pa tene cuenta cu e resultadonan grandi cu e malesa tin pa economia cu ta depende di e forsa laboral pa negoshi liber por funciona na Aruba, cu ademas ta depende di e cantidad di personanan cu ainda kier bandona nan pais.

Na e centronan mundial, caminda inversionistanan grandi ta cumpra y bende nan participacion den negoshi grandi, perdidanan a worde registra loke ta nifica cu e mundo internacional di placa ta den problema serio loke por causa un recesion.

DIARIO awe ta sigui trece informacion concreto pa Aruba, cu mescos cu henter mundo no por pronostica kico exactamente ta bay pasa cu e pais riba tereno economico y kico e posibel (y hasta probabel) entrada di Covid-19 na Aruba lo haci cu sector comercial y laboral y finalmente cu gobernacion y henter comunidad.

- Advertisement -

DUNA COMENTARIO

Please enter your comment!
Please enter your name here