Home Economia Coronavirus afectando importacion/exportacion di productonan mundialmente

Coronavirus afectando importacion/exportacion di productonan mundialmente

140
0
SHARE
- Advertisement -

Aña Chines a habri cu posibel buraco den sector comercial

ORANJESTAD (AAN): E malesa di Coronavirus ta afectando diferente tereno mundialmente. No solamente pa loke ta salud di hende pero tambe economia mundial manera DIARIO a trece dilanti caba.

Tin indicacion cu e virus tambe a afecta e companianan di ‘shipping’ rond mundo y esaki ta treciendo cune retrasonan  indesea.

Tin negoshinan rond mundo cu ta haci uzo di companianan di transporte di mercancia na Merca, Hong Kong, Australia, Suramerica, etc y tin entendi cu e Coronavirus ta afectando e fluho pa loke ta e entrega di productonan.

Kiermen cu si un persona of un comerciante a cumpra algo na Merca, China, algun pais di Europa of Medio Oriente nan por ta confrontando problemanan pa e productonan wordo entrega na tempo.

Na nivel macro esaki ta un problema basta serio dependiendo di e rapidez cu e cliente mester di nan mercancia. Si ta algo cu ta caduca, esaki situacion ta bira peor.

Na nivel micro-economico, mas cu claro esaki tambe ta afecta esnan cu ta haci compranan online ya cu nan lo mester warda mas di locual a wordo priminti door di e bendedor.

Tin hendenan cu normalmente ta warda 4 pa 6 siman pa haya nan producto na Aruba. Esaki dependiendo di e lugar for di unda e producto mester yega. Tin otronan cu ta warda menos pasobra e producto ta mas cerca, por ehempel Merca. Pero si ta na Asia, e ora lo mester prepara pa warda hopi mas.

Asina mes, parce cu e entrega di algun producto lo tarda ya sea pa en berdad pa motibo di e efectonan di Coronavirus of pa djis simpel pretexto.

DIARIO tambe a haya sa cu for di comienzo di aña chines algun empresa chines a pospone nan operacionnan y esaki a genera buraconan den e sector empresarial di hopi pais.

Por ehempel, hopi comerciante a cuminza keda sin inventario y cu un proyeccion limita pa motibo di e situacion. Esaki ta un comportamento regional/global, un importado/exportador specializa den e mercado asiatico  a duna di conoce.

EFECTONAN NA MEDIANO/CORTO PLAZO

Esnan cu ta den e negoshi di ‘shipping’ y cu ta specializa den e importacion for di Asia ta confrontando un buraco importante den e facturacion y pa tapa e buraco aki mester bira creativo y complementa cu operacionnan alternativo.

E companianan di transporte maritimo ta den spectativa pasobra ora cu e economia chines reactiva lo tin un demanda halto di producto y servicionan cu lo permiti hiba e prijs di e transporte na un nivel mas halto. Locual, na final lo ta algo beneficioso pa e mercado, e representante di un compania internacional di ‘shipping’ a duna di conoce.

Mientrastanto, lo mester cuminza analiza kico lo por ta e consecuencianan di esaki pa e consumidor final, cu lo mester absorba un posibel aumento di prijs pa motivo di e efecto den e oferta/demanda global genera door di e situacion actual.

- Advertisement -

DUNA COMENTARIO

Please enter your comment!
Please enter your name here