Home Hudicial Castigo di 4½ aña pa homber cu a saca su yiu menor...

Castigo di 4½ aña pa homber cu a saca su yiu menor di edad na estado

12228
0
SHARE
— El a worde deteni den sala di Corte y hiba KIA.
- Advertisement -

ORANJESTAD (AAN) Tabata hopi tristo pa mira con un tata, promer tabata desmenti di tabatin relacion sexual cu su yiu muher menor di edad na Juni y Juli 2018, pero recien den sala di Corte ora el a worde confronta cu resultado di e investigacion di Instituto Forense di Hulanda (NFI), e ora si el a admiti.

Hues a condena A. mescos cu e exigencia di Fiscal esta 4 aña y 6 luna di prison y a ordena pa detene A. di biaha pa hiba KIA.

   YIU MENOR DI EDAD NA ESTADO:

E homber di inicial A., tabata deteni como sospechoso pero a worde laga liber pasobra e momento ey tabata su declaracion contra su yiu muher menor di edad. Lamentablemente na dado momento, e yiu muher mester a haci abortus y Ministerio Publico a laga tuma e feto den beslag y manda esaki NFI pa investigacion. Tambe a manda muestra di DNA di e sospechoso A.

Resultado di e investigacion ta cu A. ta e responsabel.

Ta asina cu actualmente e victima ta menor di edad y den Corte e sospechoso A. a admiti dilanti Hues cu el a abusa di su mesun yiu muher menor di edad y saca e mucha na estado. E investigacion di NFI tabata e prueba palpable den e caso aki cu a pone cu A. no por a sigui desmenti, manera el a haci na principio.

   CASTIGO:

Fiscal a condena totalmente loke A. a haci cu su propio yiu muher. Fiscal a bisa cu e motibo cu A. a worde laga liber prome tabata pasobra no tabatin prueba di sosten. Ta e declaracion di e tata contra e yiu menor di edad.

Pero awor cu ta dispone di e prueba palpable, ta un situacion otro. Awor Fiscal ta dispone di suficiente prueba legal cu A. ta culpable. Fiscal a exigi 4 aña y 6 luna di prison y un tempo di prueba di 3 aña. Fiscal tambe a exigi pa detene A. di biaha den sala di Corte.

   ACUSADO DETENI DEN CORTE:

Hues a sera tratamento di e caso y a dicta sentencia di biaha. Hues ta haya legalmente proba cu e homber A. a abusa di su yiu muher menor di edad. Hues ta haya e castigo exigi pa Fiscal na su lugar pero solamente ta haya e periodo di prueba mucho largo y a baha esaki. Hues a condena A. na 4 aña y 6 luna di prison cu un tempo di prueba di 2 aña.

Hues tambe a ordena pa detene A. mesora.  Su bida normal a finaliza e momento ey.  El a wordo wanta, y hiba di inmediato pa Prison di KIA pa e bay sinta su castigo.

(NOTA DI REDACCION: Lectornan kizas lo puntra di con no ta skirbi e nomber completo di e acusado, y tambe pakico no ta pone su potret.  Esaki ta bin debi cu Ministerio Publico y Corte di Husticia ta trata na defende e mucha muher menor di edad.   Nan ta defende su privacidad.  Ministerio Publico ta convenci, cu si acaso nan duna e nomber completo di e homber, of hasta potret di dje, cu mesora pueblo lo por reconoce, y mesora tambe hendenan lo haya sa via-via ta kende ta su yiu muher victima.  Esey ta algo cu Husticia na Aruba no ta desea, y pa purba mantene e identidad di e mucha muher victima keda secreto, pesey e nomber y fam no ta wordo duna abiertamente).

 

- Advertisement -

DUNA COMENTARIO

Please enter your comment!
Please enter your name here