Home Economia Bestaansminimum pa famia di December 2019 a subi cu 300 pico Florin...

Bestaansminimum pa famia di December 2019 a subi cu 300 pico Florin compara cu un aña prome

100
0
SHARE
- Advertisement -

ORANJESTAD (AAN): Indice di Prijs di Consumo pa luna di December 2019

E CPI pa luna di December 2019 ta 101.66, loke ta representa un subida di 1.1% compara cu e indice di November 2019 (100.53) y acumulando un subida di 5.2% te cu na December di 2019.

E cambio di e CPI pa e ultimo diesdos (12) lunanan (December 2018 te cu December 2019) ta 5.2%, un subida di 0.7 ppt compara cu e periodo corespondiente di aña pasa (4.5%).

E promedio anual di e tasa di inflacion pa e periodo di December 2018 te cu December 2019 ta 4.3%, un subida di 0.7 ppt compara cu e 3.6% registra den e periodo di December 2017 te cu December 2018.

Durante e luna aki, ocho (8) di e diesdos (12) sectornan a registra subida di prijs. E subidanan cu tabata tin e mayor efecto riba e CPI a worde registra pa e sectornan di “Recreaccion y cultura” (5.8%) y “Transporte” (2.7%), causando un efecto di 0.53 y 0.34 ppt, respectivamente. E subidanan den e restante sectornan a contribui cu un efecto di 0.34 ppt riba e CPI di December 2019.

E subidanan aki a worde contraresta parcialmente door di principalmente caida den e indicenan di e sectornan di “Restante bienes y servicio” (-0.5%) y “Salud” (-1.1%), cu a contribui cu un efecto di -0.05 y -0.02 riba e CPI di December 2019. E caida den e sector restante a contribui cu un efecto insignificante riba e CPI di December 2019.

E subida den e sector di “Recreaccion y cultura” a worde causa principalmente door di un subida di 18.7% den e categoria “Vacacion”, causando un efecto di 0.45 ppt. E subida den e sector di “Transporte” a worde causa principalmente door di un subida den e categoria “Compra di vehiculo” (5.9%), causando un efecto di 0.24 ppt.

E caida den e sector di “Restante bienes y servicio” a worde causa principalmente door di un caida den e categoria “Otro articulonan personal” (-4.6%), causando un efecto di -0.06 ppt. E caida den e sector di “Salud” a worde causa door di un caida di 1.6% den e categoria “Producto, aparatonan y ekipo medico”, causando un efecto di -0.02 ppt.

    Canasta di consumo:

E canasta di consumo di e CPI ta consisti di 408 bienes y servicionan. Compara cu November 2019, 40.0% di e bienes y servicionan aki a conoce un aumento di prijs causando un efecto di 1.79 ppt, mientras cu 37.7% ta mustra un caida di prijs, cu a contribui cu un efecto di -0.67 ppt y pa e restante 22.3% no tabata tin cambio den prijs.

Prijsnan di bienes a subi cu 0.6% y a causa un efecto di 0.36 ppt. Prijsnan di servicionan a conoce un subida di 1.9% y a causa un efecto di 0.77 ppt.

   Core inflation:

E CPIC (core inflation) – CPI excluyendo e efecto di energia y cuminda – a registra na December 2019 un subida di 3.5%. E indice di energia – cu ta consisti di e productonan: electricidad, awa, gasolin y diesel a registra un caida di 0.3%. E indice di cuminda a registra un subida di 13.2%.

   Bestaansminimum:

E bestaansminimum pa un hogar consistiendo di dos (2) adulto y dos (2) mucha (edad 0-14 aña) na December 2019 ta Afl. 5,013, un subida di Afl. 301 compara cu December 2018 (Afl. 4.712). E bestaansminimum pa un hogar di un (1) adulto ta Afl. 2,387, un subida di Afl. 143 compara cu December 2018 (Afl. 2.244).

- Advertisement -

DUNA COMENTARIO

Please enter your comment!
Please enter your name here