Home General Barco Pelikaan awor riba dok na Hulanda

Barco Pelikaan awor riba dok na Hulanda

20
0
SHARE
- Advertisement -

ORANJESTAD (AAN): E mantencion di e barco Zr.Ms. Pelikaan a start.  Damen Shipyards Group ta ehecutando e trabao riba e barco pa e lunanan venidero, y e lo haya un ‘Mid-Life Update”.  Di e forma aki e barco lo por sigui funciona e añanan venidero.

Tabata siman pasa cu e Pelikaan a muda di e pier di mantencion na Den Helder pa Harlingen.  Aki e barco a wordo poni riba dok pa start cu e di dos fase di mantencion.  E ta un proceso importante di e update.  Riba dok, por haci trabao di reparacion na e parti pafo y abao di e barco, e.o. e timon.

Desde November di aña pasa no por a mira Pelikaan nabega mas den area di Caribe.  El a cruza bay bek Hulanda pa asina mitar di December a cuminza cu e prome mantencion.

DIARIO a compronde cu pa luna di Augustus venidero, e barco lo ta operacional atrobe.  Esaki a wordo planea precisamente asina, pa asina e barco por bin yuda bek cu e tareanan principal di Defensa Hulandes den e region aki, esta sostene autoridadnan civil y duna un man na yudanza despues di desastrenan di naturaleza, e.o. horcan.

Riba e potretnan aki pa cortesia di Jasper Verolme, por mira momento cu trabaonan  a start riba Pelikaan na Hulanda.

 

- Advertisement -

DUNA COMENTARIO

Please enter your comment!
Please enter your name here