Aruba a haya dos huez nobo

    545
    0
    SHARE
    - Advertisement -

    ORANJESTAD(AAN): Diabierna atardi a tuma lugar instalacion di dos huez nobo pa Corte di Prome Instancia.

    Den presencia di su Excelencia Gobernador Alfonso Boekhoudt y Minister di Husticia Andin Bikker y demas invitado, presidente di Hof mr. Eunice Saleh a introduci e hueznan nobo.

    Ta trata di mr. Jacques Keltjens y mr. Maite de Haseth.

    Mr. Saleh a cuminza na bisa cu Keltjens mesora ta bay ta tambe Vice Presidente nobo di Corte di Aruba, mientras cu nombramento di de Haseth como huez ta un paso mas den direccion di duna hof mas huez Caribense.

    Despues cu Procurador General interino Yolanda Pronk a presenta e requisitor e Griffier a lesa e Decreto Real, pa haci e instalacion di e hueznan nobo oficial.

    Presidente di hof e ora ey a presenta e hueznan nobo na tur esnan presente, door di conta algo di nan.

    Mr. Keltjens a nace na Juni di 1959 y a studia derechonan na Universidad di Amsterdam, unda cu el a caba su estudio na 1986.

    Despues di traha na diferente lugar, Keltjens a sigui e asina yama RAIO Opleiding di 1989 te cu 1995.

    El a wordo nombra huez y te cu el a viaha pa Aruba el a traha na Corte di Den Haag, unda cu e tabata tin posicionnan di liderazgo.

    Atravez di e añanan Keltjens a traha tambe como docente y director cerca e Instituto Huridico Internacional.

    Mr. Keltjens tabata tin di haber tambe cu e trabaonan di cooperacion entre corte di Suriname y e conseho pa hurisprudencia na Hulanda.

    E meta di e proyecto tabata pa yuda corte di Suriname sigui bira mas independiente y fortalece esaki.

    Pa loke ta mr. de Haseth, el a nace na Corsow na Mei di 1979 y a studia derechonan na Universidad di Leiden, unda cu el a gradua na 2003 den Bestuursrecht, Civielrecht y Staatsrecht.

    Durante su estudio de Haseth a core stage na Corte Comun y a cuminza su carera como griffier den e afdeling di Bestuursrechtspraak di Raad van State na Den Haag, unda cu el a traha te cu 2016.

    Na dado momento de Haseth a specializa su mes den derechonan general den Caribe y Hulanda y es especial Bestuursrecht.

    - Advertisement -

    DUNA COMENTARIO

    Please enter your comment!
    Please enter your name here