Home Parlamento Alan Howell ta opina cu tur cas na Aruba mester haya e...

Alan Howell ta opina cu tur cas na Aruba mester haya e rapport desastroso aki pa mira

56
0
SHARE
- Advertisement -

Rapport di “blijven zitten” pa AVP

ORANJESTAD (AAN): Tur wowo ta riba e resultado di un rapport cu a sali, y ta pinta un imagen espantoso di e forma con Gobierno di AVP for di aña 2010 te cu 2016 a traha riba 241 proyecto, y e costo di esaki a yega na 1.6 biyon Florin.  Y esey ta placa cu Aruba no tin.

Contraloria General di Aruba a emiti e “Rapport BO Aruba” cu a haci un investigacion riba e forma cu den e seis añanan ey a crea 241 proyecto sin cu nan tin cobertura, cu riesgo negativo, y sin cu a check e consecuencianan financiero pa Aruba.

Diaranson mainta tabatin un reunion den Parlamento pa asina trata e seriedad di e rapport aki, y e puntonan asombroso cu a ser descubri aden.  Den publico por a mira un grupo grandi di Alumnonan di Insitituto Pedagogico Arubano (IPA) presente pa scucha e reunion importante.

Parlamentario Alan Howell di Partido POR, a mustra cu awor na 2020, danki na e rapport extenso di Contraloria General, a bin haya sa e forma dificil, yen di triki y tambe forma mafioso cu Gobierno di AVP a atende asuntonan di 2010 pa 2016.

Ta facil pa goberna den un forma di traha yen cos luhoso y grandi, pero tras di cortina ta dificil pa mira den realidad si esey tabata cumbini pa wordo haci of no.  Pueblo ta mira cos grandi y bunita, pero hopi hende den pueblo no ta interesa den cifras.

Pero loke Gobierno di AVP a haci di 2010 pa 2016, bo no mester ta specialista ni profesional di finanzas y economia, pa compronde con fatal e resultado ta.

Berdad e camindanan nobo ta spaar bo tempo, y ta bunita.  Pero bo tin di mira e consecuencianan cu e isla tin awor.

Danki na e rapport di Contraloria General, pueblo por saca su conclusion kico ta e motibonan pakico e isla di Aruba awor ta hinca den un debe astronomico.

E rapport di Contraloria General meser ta den tur cas.  E mainta aki tabatin alumnonan di Instituto IPA y e ta desea pa nan tambe por lesa e rapport di e instancia serio y neutral.  E ta hasta sugeri pa Scolnan Secundario na Aruba haya e rapport aki pa tur alumno di Aruba haya sa kico a pasa di 2010 pa 2016.

Segun Howell, si acaso e Rapport aki di Contraloria General lo ta e eind-rapport pa dicidi si acaso Gobierno di Mike Eman lo a bay “over” of “blijven zitten”, e ta kere cu no por usa “blijf zitten”.  Lo bo puntra bo mes, kico bo a haci tur e aña ey.

E ta un berguenza pa tur alumno di scolnan cu tin di haber cu economia.  Con ta posible cu un Gobierno cu ta pertende di Gobierno serio, por a presta su mes di haci nan mes culpable na un tipo di maneho asina.

- Advertisement -

DUNA COMENTARIO

Please enter your comment!
Please enter your name here