Home Enseñanza Unico manera pa por duna educacion na e alumno ta ora tin...

Unico manera pa por duna educacion na e alumno ta ora tin e triangulo: mayor-scol-alumno

31
0
SHARE
- Advertisement -

Director di SKOA Anuesca Baly:

ORANJESTAD (AAN) – Sra. Anuesca Baly, Director di SKOA, den entrevista cu DIARIO a bisa cu Sra. Baly a expresa cu unico manera di por duna educacion un alumno, ta ora scol tin e triangulo forma: Mayor(na cas)- Scol-Alumno.

Si tur ta sincroniza cu otro, nan por guia e alumno pa un mihor futuro, pero awendia e asistencia di mayornan na anochinan di informacion, por ehemplo, ta masha limita.

Esaki no obstante cu ta un obligacion y un responsabilidad di mayornan pa asisti na e anochinan di informacion pa mayor. Pero hopi biaha mayornan ta bisa cu nan a lubida, of cu tin cu traha of cu no tin tempo.

Sra. Baly no ta generaliza. El a expresa cu no ta tur pero si tin un par.

SKOA kier trece e aspecto aki bek, unda cu por forma un comunidad pa por guia e alumno. El a menciona cu e ta di opinion cu si tin un klas unda cu e 100% of 90% e alumnonan “ta yega pa bay”, esey ta un stap hopi grandi, y scol ta traha pa 100% ta participa, pasobra e ta unico manera pa nos muchanan por wordo bon guia, sra. Baly a reitera.

El a subraya cu no ta di un banda so ta educa. No ta scol so. Scol ta educa, pero tambe tin locual e mucha ta haya na cas. Si cas ta hunto cu scol, scol ta mas fuerte pa brinda educacion.

SKOA tin diferente scol (algun mas activo cu otro) cu tin sistemanan online pa comunica cu mayornan, y nan incluso por haya cifranan di nan yiunan y informacion via online.  SKOA ta poniendo e cosnan “on place”.

Tempo ta bira moderno, pero claro cu no tur cos ta yega mesora, pasobra e avancenan aki no ta bay sin e parti financiero pa sostene nan. “Bo tin cu gatea prome cu bo cana, pero nos ta yegando eynan.

Di parti di SKOA nos deseo ta pa yega na un punto unda nos por bisa cu tur mayor ta trahando conhuntamente cu nos maestronan, cabesante, scol, y nos tur ta wak den e mesun direccion pa bienestar di e alumno”.

- Advertisement -

DUNA COMENTARIO

Please enter your comment!
Please enter your name here