Home Hudicial Tin tres sospechoso mas den caso di miembronan di Inmigracion cu tabata...

Tin tres sospechoso mas den caso di miembronan di Inmigracion cu tabata regla pa ilegalnan drenta Aruba

1660
0
SHARE
- Advertisement -

ORANJESTAD (AAN):  Tin tres sospechoso mas cu ainda mester presenta dilanti Hues, relaciona cu e caso di e dos miembronan di Inmigracion cu tabata regla pa ilegalnan drenta Aruba.

Ta trata aki di tres stranhero, di cual dos ta hende muher y un ta homber. E muhernan ta N.F.Z. y S.A.B. E homber ta S.M.C.

Siman pasa dia di tratamento di e caso contra e dos miembronan di Inmigracion J.H. y S.G., e tres sospechosonan tambe mester a presenta pa nan caso. A resulta cu e homber S.M.C. a bay Colombia cu permiso di Ministerio Publico pa asina por atende na entiero di su ruman muher.

E otro dos muhernan no a presenta. Abogado mr. Illes a bisa Hues cu nan a worde saca pero nan no a haya citacion. Hues a remarca cu corectamente nan no a haya citacion na tempo y como tal nan citacion ta wordo declara no admisibel. Esey ta nifica cu Fiscal lo mester manda citacion nobo. Abogado mr. Arendsz-Marchena, kende ta representa S.M.C. a bisa Hues cu otro luna S.M.C. ta bolbe.

Hues a puntra Fiscal si e intension ta pa trata e casonan Hunto. Fiscal a bisa cu e ta prefera esey. A keda palabra cu ta pospone e casonan pa tempo no defini.

For di tratamento di e caso contra J.H. y S.G. por a saca afor cu e muhernan S.A.B. y N.F.Z. a wordo scucha como testigo caminda nan lo a declara di tabata yuda J.H. pa haya cliente y cu J.H. tabata cobra 1200 dollar pa regla permiso di estadia.

Ta sospecha cu S.G. tabatin relacion cu e homber S.M.C. kende tabata regla estadia pa extranheronan via S.G. caminda S.G. tabata wordo paga.

E aña aki tratamento di e caso contra e tres stranheronan aki lo tuma lugar.

- Advertisement -

DUNA COMENTARIO

Please enter your comment!
Please enter your name here