Home Transporte y Utilidadnan Tin hopi chauffeur coriendo malo riba Watty Vos Boulevard

Tin hopi chauffeur coriendo malo riba Watty Vos Boulevard

8367
0
SHARE
— Polis por dunabo multa hopi picante pa core asina. Bo mester keda core banda drechi semper, excepto ora di pasa auto, of ora di casi yega rotonde.
- Advertisement -

ORANJESTAD (AAN): Ni maske cuanto biaha Polis a splica, ni maske cuanto biaha esnan cu ta duna les di Rijbewijs a splica, ni maske cuanto biaha a splica na radio, corant, y na TV… Keto bay tin hopi chauffeur cu no ta compronde cu nan ta coriendo malisimo riba Watty Vos Boulevard.

Nan ta core riba e banda robez di caminda, siendo cu nan no ta pasando otro auto (“inhalen”) y tampoco nan no ta yegando un rotonde pa bira na man robez.

E chauffeurnan aki por haya multa di entre 250 pa 300 Florin.  Y cada tanto minuut bo ta mira nan ta sigui core.

Un agente policial a splica aña pasa, cu ora nan duna e chauffeurnan aki un multa, e persona tras di stuur ta core bisa: “Ami no tabata sa di e regla ey”.

Pero e ta costabo hopi si den bo cartera.

Un automobilista a splica DIARIO con Diasabra el a mira un hende ta core riba WVB Boulevard di cada rotonde pa rotonde, na banda robez di caminda.  Siendo e tabata stroba autonan su tras di pasa.  Ora cu el a bay reclame, ata e chauffeur femenino ta zundre bek tambe.

Tin algun chauffeur ta kere cu na Aruba e mesun reglamento cu e US Interstate System na Merca ta valido, esta cu bo mag di “stay in your lane”.
Na Aruba, bo mester KEDA core na bo man drechi.  Y bo ta usa e banda robez solamente pa pasa e auto bo dilanti, pero bo tin di bay bek na banda drechi despues di a ‘inhaal’ e vehiculo.

Tambe bo por bay na man robez ora cu bo ta casi acerca un Rotonde, pa sea bo bay tuma e caminda cu ta bay na robez of bo ta sigui straight.

Pero manera por mira riba e potret aki, esey si ta completamente inaceptable y bo ta core riesgo di haya entre 250 pa 300 Florin di multa.

- Advertisement -

DUNA COMENTARIO

Please enter your comment!
Please enter your name here