Home Bites The Casino at The Ritz-Carlton a revela su grandioso campaña di aña...

The Casino at The Ritz-Carlton a revela su grandioso campaña di aña 2020 cu ta $1 Million Cash Giveaway

698
0
SHARE
- Advertisement -

Un campaña nunca antes bisto na Aruba

ORANJESTAD (AAN): Dialuna atardi DIARIO tabata presente durante un conferencia di prensa convoca na The Casino at The Ritz-Carlton, Aruba unda a revela su grandioso campaña di aña 2020.

Despues di e fabuloso premio di un Ferrari, hopi a cuminza pensa ta kico nan lo bin cune pa 2020.

“Tur hende tabata ansioso pa haya sa ta cu cua campaña The Casino at The Ritz-Carlton , Aruba lo bin cune e aña aki, mirando cu aña pasa tabata spectacular cu e Deal or Wheel campaign unda e ganador por a scohe entre e Ferrari 488GTB Spider of $250,000 cash,” ta loke Axl Ismail a comenta, kende ta Director of Casino Operations di The Casino at The Ritz-Carlton, Aruba.

“Tabatin hopi speculacion di kico e campaña lo ta mirando cu aña 2019 tabata fenomenal. Y e aña aki lo ta mas grandi ainda.”

Despues di esey a yega e momento unda a revela e campaña di aña 2020 y tur hende presente a keda sorprendi. The Casino at The Ritz-Carlton, Aruba ta e prome casino pa lansa un campaña di e magnitud aki den henter Caribe.

Nan a revela un campaña di “$1 Million Cash Giveaway”, unda cu lo tin $1 Miyon na premionan cash pa tur su bishitantenan.

Posteriormente Joanna Maya a hiba palabra.  E ta Communications & Promotions Manager di The Casino at The Ritz-Carlton, Aruba unda cu el a splica con por participa den e grandioso campaña aki. Mester ta of bira un VIP member door di pasa registra cu un cedula valido na e Casino VIP Desk, esaki ta completamente gratis. Pa cada 80 punto na slot machines y $40 theoretical na weganan di mesa ta ricibi 1 ticket di rifa. Lo tin 15 finalista pa e prome sorteo cu lo tuma luga dia 31 di maart.

Tambe el a añadi cu tur e bishitantenan di The Casino at The Ritz-Carlton, Aruba por participa den diferente promocion durante siman y tambe por forma parti di nan Tier program cu ta ofrece beneficionan unico.

Pa clausura, Yahira Santoni, Communications Manager di The Ritz-Carlton, Aruba, a indica cu e aña aki ta duna un extra opcion pa haya ticket di rifa pa participa den e tremendo campaña aki ora di tin un cena na Casa Nonna New York of BLT Steak. Cu cada cena na e restaurantnan aki ta ricibi un voucher. Mester hiba e voucher hunto cu e recibo na e Casino VIP Desk y e bishitante lo haya su ticket di participacion.

Axl Ismail tabata tin un pregunta pa tur persona presente: “Di con bo lo hunga cualkier otro caminda si bo por hunga na Aruba’s Most Rewarding Casino?!”

Pa mas informacion tocante con pa participa pa ta un di e feliz ganadornan por bishita  The Casino at The Ritz-Carlton, Aruba su VIP Desk.

- Advertisement -

DUNA COMENTARIO

Please enter your comment!
Please enter your name here