Rusia ta exigi Citgo pa cadena comunista

    730
    0
    SHARE
    Desenlace Citgo den man di Nacionnan Uni
    - Advertisement -

    Confrontacion gruponan di Maduro y Guaidó riba caya awe

    *Aruba paralisa enfrente incertidumbre Citgo Aruba

    *Defensa Nicolas Maduro a wordo amplia cu milicia 

    ORANJESTAD  (AAN) — “Na e momentonan aki Aruba ta confronta un incertidumbre total pa loke ta trata Citgo. E compania ta depende completamente di e desaroyonan sumamente serio na Venezuela, caminda preparacionnan ta wordo tuma pa un confrontacion abierto entre gruponan di Maduro y Guaidó riba caya Diahuebs.”

    E sucesonan na Venezuela ta dicidi riba e progreso di Rusia den region Latino Americano y por wordo considera como un confrontacion directo entre paisnan liber y paisnan comunista na Venezuela.

    Informacion ta indica cu ni tempo di Chavez e pais a conoce un momento importante manera e desaroyo actual, cu ta bay nifica un confrontacion sumamente serio den cayanan di Venezuela durante e proximo dianan.

    Nicolas Maduro a yega na e momento cu e mester debolbe na Rusia e condicionnan cu el a ofrece y a perde ora Juan Guaidó a proclama su mes presidente di Venezuela a base di Constitucion.

    Den e pakete aki tin e condicionnan pa Rusia maneha parti di e exploracionnan di azeta na Venezuela pero mas ainda e cumplimento cu Rusia tin Citgo como borg pa e debenan.

    Citgo como borg pa Rusia ta nifica un poder cu e cadena comunista tin na Merca na momentonan politico internacional crucial.

    Manera DIARIO a indica anteriormente, no tin ningun siguridad riba futuro di Citgo, cu ta den man di e grupo Mericano y Britanico pa loke ta trata pago di nan prestamo  di alrededor di Un Biyon cu mester subi mesa. Guaidó no por a paga pero Merca a evita pa e grupo kita Citgo for di  Venezuela mientras ta reconoce Juan Guaidó como Presidente Mericano.

    DIARIO a splica tambe cu no ta conoci cuanto tempo Rusia lo a sigui warda pa e placa cu el a presta Venezuela y a bira borg cu e tin riba Citgo. Ademas Rusia a yuda Venezuela paga anualmente pa evita cu Nicolas Maduro lo a perde Citgo for di 2018.

    Rusia a eherce presion riba Maduro cu no tin saluda cu cumpli cu exigencianan di Rusia cu ainda, manera semper DIARIO a mustra, por exigi informacion riba e proceso cu ta tuma luga na Aruba y e forma cu su interes ta wordo cubri.

    Awe ta bira un dia di gran culminacion. Mientras e crisis di Merca y Iran ta haya dimensionnan nobo, gruponan di Maduro y Guaidó ta subi caya.

    Ayera den ora di anochi a bira conoci cu regimen Maduro a amplia defensa cu milicia, mientras organisacionnan internacional cu ta sostene Guaidó, incluso Union Europeo ta prepara pa eventualidad cu por presenta den e situacion den porta di Aruba.

    Kico lo pasa cu henter Citgo ta depende completamente di loke lo pasa na Venezuela.

    - Advertisement -

    DUNA COMENTARIO

    Please enter your comment!
    Please enter your name here