Home Carnaval Reunion urgente awenochi pa rescata Festival di Tumba

Reunion urgente awenochi pa rescata Festival di Tumba

318
0
SHARE
- Advertisement -

ORANJESTAD (AAN): Diamars mainta banda di 11:30 am, e vocero di Fundacion SMAC a emiti un boletin urgente, cu e speranza cu esaki lo por yega na oido di tur Tumbero cu tin costumber di participa den Festival di Tumba di Carnaval.

Manera ta conoci, Festival di Tumba ta un evento cu tabata perde placa so ultimo añanan.  E evento no ta atrae mesun hopi publico mas manera tabata costumber den decada di 1980, 1990, y comienzo di 2000.

E tempo aya, Festival di Tumba den e.o. Stadion di RCA na Solito tabata yena di publico cu tabata keda te madruga y mainta trempan pa sigui e musica y mira e resultado.

Awor den siglo nobo aki, casi e Festival ta draai cu publico minimo, y esaki sigur no ta sostene e gasto financiero di e actividad.

Pesey awor SMAC, a dicidi na yama un reunion urgente relaciona cu “Grand Tumba Festival”.

Nan kier pa mas hopi Tumbero di Aruba acudi na e encuentro aki cu ta importante pa e futuro di e competencia.

SMAC a mustra cu e Grand Tumba Festival 2020 ta sigui normal, pero awor tin di haya e input di tanto e cantantenan como tambe e lidernan di banda, pa nan tur bay riba e mesun linea pa dicidi con e formato, regla, y puntonan ta bay conta den esaki.

E reunion mes lo ta awe Diamars 7 di Januari 2020, cuminzando pa 7:00 pm.  E lo ta na oficina di SMAC den Weststraat 3.

- Advertisement -

DUNA COMENTARIO

Please enter your comment!
Please enter your name here