Home Deporte Registra y Participa na e 100KM Hiking Challenge

Registra y Participa na e 100KM Hiking Challenge

141
0
SHARE
- Advertisement -

 ORANJESTAD (AAN) –  Fundacion Movimiento ta Bida hunto cu Fundacion Parke Nacional Aruba ta organisa e prome 100KM Hiking Challlenge.

Cuminsa e aña 2020 cu un desafio personal nobo caminda cu bo lo participa den 12 caminata den naturalesa cu hunto lo completa 100KM.

E 100KM Hiking Challenge ta cuminsa diasabra 11 di januari y ta termina diasabra 28 di maart. Tur 12 caminata ta tuma luga riba diasabra mainta saliendo pa 6or di mainta.

Registra prome cu 8 di januari na [email protected] pa garantisa bo participacion. Cupo pa participacion ta limita.

E pago por wordo procesa na e Visitor Center di Parke Nacional Arikok durante ora di trabou.

 

E 100KM Hiking Challenge no ta un competencia, e ta un desafio personal caminda cu e participante lo ta den movecion pa mehora nan salud y tambe disfruta di naturalesa riba un paso trankilo. Ta pidi pa tur persona cu lo participa pa bisti un bon keds pa cana den mondi y tambe pa tin awa y tambe un fruta, esaki ta pasobra algun di e rutanan ta largo. Sigur Fundacion Movimiento ta Bida y Fundacion Parke Nacional Aruba ta desea pa tur participante compromete nan mes na e desafio y cu na final dia 28 di maart tur hende a logra e 100KM Hiking Challenge.

 

 

- Advertisement -

DUNA COMENTARIO

Please enter your comment!
Please enter your name here