Home Policial Pueblo ta haya cu e momento a yega pa trece Visibility Team...

Pueblo ta haya cu e momento a yega pa trece Visibility Team bek

402
0
SHARE
- Advertisement -

ORANJESTAD (AAN): Un ciudadano a indica na DIARIO, cu e ta hopi contento ora cu Ministro a splica cu e chens ta grandi cu ta trece Visibility Team di Polis bek.

Pasobra tempo cu e team ey tabata funciona, pueblo tabata sinti su mes mas safe.  Mientras cu abo ta cana na pia of den auto, Visibility Team tabatey pa percura pa bo siguridad.

E tempo aya, e team di Cuerpo Policial tabata ehecuta un programa di accion diario den e cayanan di Oranjestad cu e meta pa elimina criminalidad (for di actonan grandi te na esun di mas chikito) for di e cayanan di nos cuidad principal.

E accionnan aki ta treciendo e resultadonan positivo pa un y tur cu ta move den e areanan aki cu mas paz y trankilidad.

Pero awor na 2020, Aruba ta haya falta di e team aki.  Nan no tey mas den area unda turistanan ta trafica bastante na pia, ora cu e.o. Cruise Ship ta den waf.

E tempo aya, Visibility Team tabata tene control for di banda di Royal Plaza bay te Caya Betico Croes, y sigui te banda di Reflexions Beach, ta garantizando seguridad.

E tempo aya tur dia Visibility Team ta patruya pa trece paz y trankilidad.  Bo por a mira nan tambe na e porta di Waf, y tambe henter e area ey rond mirando cu den waf tin barco crusero.

DIARIO semper lo sostene cualkier plan pa trece Visibility Team bek.

- Advertisement -

DUNA COMENTARIO

Please enter your comment!
Please enter your name here