Home General Prijs di electricidad y di awa no a cambia na November 2019...

Prijs di electricidad y di awa no a cambia na November 2019 compara cu luna di October

100
0
SHARE
- Advertisement -

ORANJESTAD (AAN):  Cifranan di Oficina di Estadistica ta indica cu prijs di utilidad (electricidad y awa), gasolin y diesel ta wordo determina primordialmente door di e prijs internacional di petroleo.

Na November 2019 e prijs promedio pa bari di petroleo (US$ 56.74) a conoce un subida di US$ 2.97 (5.5%) compara cu October 2019 (US$ 53.77).

E costo total di energia pa kWh pa un uso di electricidad te cu 500 kWh no a cambia na November 2019, el a keda Afl. 34.52 cent pa kWh. E costo total di energia pa kWh pa un uso di entre 501 – 1000 kWh no a cambia na November 2019, el a keda Afl. 35.72 cent pa kWh. Adicionalmente, e costo total di energia pa kWh pa un uso di electricidad riba 1000 kWh no a cambia na November 2019, el a keda Afl. 45.93 cent pa kWh.

Prijs di electricidad y di awa no a cambia compara cu October 2019. Consecuentemente, e prijs promedio di electricidad pa vivienda a keda Afl. 265.65, mientras cu e prijs promedio di awa pa vivienda a keda Afl. 137.05.

Prijs di gasolin a registra un caida di Afl. 1.80 cent (-0.9%) na November 2019 y a causa un efecto di -0.04 ppt riba e CPI. Prijs di diesel a registra un caida di Afl. 0.70 cent (-0.4%) na November 2019 y a causa un efecto insignificante riba e CPI.

November 2019, utilidad, gasolin y diesel como grupo, tabata tin un caida di prijs di 0.3% compara cu October 2019 y hunto a influencia e CPI cu -0.04 ppt, mientras cu e restante 404 bienes y servicio hunto a experencia un subida di prijs di 0.1% y tabata tin un efecto di 0.09 ppt riba e CPI.

- Advertisement -

DUNA COMENTARIO

Please enter your comment!
Please enter your name here