Home Policial Polis a anuncia cu nan a haya permiso pa listra tur hende...

Polis a anuncia cu nan a haya permiso pa listra tur hende na Boat Fest

3216
0
SHARE
- Advertisement -

ORANJESTAD (AAN): Un boletin emiti Diabierna merdia ta indica cu Ministerio Publico lo bay ta haci trabao di listramento preventivo durante actividadnan grandi di Carnaval.  Nan lo check si hendenan tin droga scondi riba nan curpa.

Fiscal na Aruba a caba di duna OK pa listramento preventivo pa e siguiente actividad, y den e area stipula aki abao.

Nan lo haci listramento na “Boat Fest Balashi” dia 12 Januari 2020 for di 10:00 am te cu 9:00 pm.

Nan lo haci esaki den e tereno, riba un linea imaginatorio cu ta wordo forma door di L.G. Smith Boulevard, Beatrixstraat, Pierre Corneillestraat, Longfellowstraat, Vondellaan, Rumbastraat, Stadionweg, y Caminda principal na Camacuri.

Den cuadro di e accion di listramento preventivo aki, Polis ta haya e poder pa stop un persona, y listra su paña, y por haci esaki hasta den caso caminda no tin ningun detaye di posible sospecho cu un acto castigable a wordo cometi.

Pa tal motibo nan ta haci e anuncio aki di antemano den prensa pa publico ta na altura di e accion aki.

- Advertisement -

DUNA COMENTARIO

Please enter your comment!
Please enter your name here