Home Politica Partido AVP a yuda mas di 700 persona cu yenamento di nan...

Partido AVP a yuda mas di 700 persona cu yenamento di nan papelnan di belasting

32
0
SHARE
- Advertisement -

ORANJESTAD (AAN):  Partido AVP un biaha mas a yuda su miembronan y Aruba en general cu yenamento di formularionan di Inkomstenbelasting.

Robert Candelaria di fraccion di AVP tabata encarga cu e proyecto e aña’ki. Tur persona cu tabatin mester di yudansa pa yena e formularionan di belasting, por a acudi na Cas di Partido AVP.

Candelaria a remarca cu aña pasa a bira otro proyecto satisfactorio mirando cu a surpasa e cifra di hende cu a yuda e aña anterior, ta papiando di riba 700 persona cu a yuda cu nan formularionan.

E reaccion tabata asina grandi cu fechanan adicional mester a bin acerca pa asina logra yuda tur esunnan cu a acudi na cas di Partido. Tambe a brinda yudansa pariba di brug na tur cu a haci e peticion aki.

Ta gradici comunidad pa e confiansa un biaha mas deposita den e team di AVP. Un danki grandi na tur e voluntarionan cu a pone nan tempo y conocemento disponibel pa yuda e pueblo. Partido AVP lo sigui traha na bienestar di e pueblo di Aruba.

 

 

 

- Advertisement -

DUNA COMENTARIO

Please enter your comment!
Please enter your name here