Home Enseñanza ‘Online Schooling’ ta laga nos yega unda cu e mucha ta pa...

‘Online Schooling’ ta laga nos yega unda cu e mucha ta pa dune su educacion

99
0
SHARE
- Advertisement -

Minister di Enseñanza: *ta bay uza sistema di K12

ORANJESTAD  (AAN): Minister di Enseñanza Rudy Lampe Diahuebs durante un conferencia di prensa a anuncia cu el a caba di firma un MoU cu K12 cu ta e scol online mas grandi di Merca y di mundo.

“Mescos cu Airbnb a revoluciona e mundo di acomodacion y hotel, asina K12 a revoluciona e mundo di enseñanza”.

“Nos a yega na un acuerdo y simbolicamente nos a habri prome scol virtual na Biblioteca Nacional di Aruba e siman aki, cu e programa di K12”.

Esaki segun Lampe, kende a sigui bisa cu esaki kiermen cu muchanan cu no ta pas den e sistema Hulandes, ta haya e posibilidad for di scol primario te Universidad, pa ricibi educacion online.

“Nos ta bay ofrece e hobennan tur tipo di educacion cu nan merece via e sistema di online schooling”.

“Nos a cuminza awor na Biblioteca Nacional, pero e plan ta tambe pa duna mayornan e derecho di scoge pa e programa di K12”.

“Si nan bisa, mi kier pa mi yiu sigui e sistema Hulandes y banda di esey na e scol e por sigui e sistema di K12, esey tambe ta bay ta posibel”.

Esaki segun e mandatario, kende a sigui bisa cu Gobierno ta sostene e cambio grandi aki.

Lampe a sigui  bisa cu si e sistema Hulandes no ta funciona pa un mucha, e por scoge e sistema Mericano di K12.

E por scoge tur dos sistema tambe.

“Cu e posibilidadnan aki ningun mucha por ta un dropout mas, pasobra tecnologia ta haci posibel cu nos ta bay na unda cu e mucha ta pa e ricibi educacion”, segun e minister.

El a splica tambe cu ta pesey ta bay cuminza haci uso tambe di e asina yama digiboards na scolnan, cu ta borchinan digital.

 

- Advertisement -

DUNA COMENTARIO

Please enter your comment!
Please enter your name here