Home Policial Mucha di apenas 11 aña di edad deteni pa menaza di school...

Mucha di apenas 11 aña di edad deteni pa menaza di school shooting na Colegio Arubano

1329
0
SHARE
- Advertisement -

Mainta di ristramento na scol

ORANJESTAD (AAN): Manera DIARIO a menciona caba, autoridadnan local a start cu un investigacion despues cu a sali na cla cu un sorto di menaza di posible ‘school shooting’ a bira conoci, y cu lo ta draai rond di Colegio Arubano na Oranjestad.

Polis, como tambe SMOA, Inspectie di Departamento di Enseñanza, y Gobierno a tuma e caso aki mesora na serio.  A sali na cla cu ta un ‘whistleblower’ ta esun cu a pone hendenan na altura di e menaza serio cu e hoben a expresa.

Rectorado di Colegio Arubano a tuma e menaza na serio, y den fin di siman a core introduci corectamente un plan di accion pa revisa tas y ristra tur alumno cu drenta tereno di e scol na Vondellaan 14.

Esey a pasa riba e prome dia tambe pa CP Week y di SE Week.  Aunke tin algun mayor cu a expresa cu nan no ta di acuerdo cu ristramento, toch a compronde cu mayoria alumno no a preocupa cu esey.  Nan ta sinti nan mes mas safe cu e ristramento, compara cu e posibilidad cu un hende por cana cu arma riba tereno di scol y comete acto inimaginable.

Tabatin algun momento cu rij a bira largo, pero toch tabatin Security Guard femenino y masculino pa haci e ristramento corecto, y Rectorado tabatey pa vigila tur esaki.

   DETENCION;

Pero Dialuna mes, autoridad a revela cu nan a detene e persona cu a expresa e menaza.

Vocero policial Lito Lacle a confirma, algo despues di 12’or di merdia, a detene e persona relaciona cu e caso di menaza riba Colegio Arubano.

Di siman pasa ora cu e denuncia a wordo haci, Cuerpo Policial a institui di inmediato un team investigativo pa atende cu e investigacion mirando e gravedad y seriedad di e menasa.

E caso aki a wordo trata cu prioridad y seriedad  di parti di cuerpo policial mirando cu e la wordo considera como uno cu a toca interés general y seguridad di nos comunidad. Conhuntamente cu Ministerio Publico a yega na palabracionnan cu a pone, cu Dialuna mainta a yega na detencion di e persona masculino cu a haci e menaza aki.

Informacion cu a circula ta mustra cu e ta un mucha homber di apenas 11 aña di edad.

Siendo na Colegio, alumnonan di Ciclo Basico ta start cu 12 aña di edad.

Cuerpo Policial ta manda un palabra di agradecimento ta bay na e scolnan cu a duna nan maximo cooperacion den e caso aki . Esaki sigur a contribui na e investigacion.

 

- Advertisement -

DUNA COMENTARIO

Please enter your comment!
Please enter your name here