Home Gastronomia Ministernan di Asuntonan Social y Husticia cu atencion pa problema di negligencia...

Ministernan di Asuntonan Social y Husticia cu atencion pa problema di negligencia di mucha

15
0
SHARE
- Advertisement -

ORANJESTAD (AAN): Minister di Asuntonan Social Glenbert Croes Dialuna durante e conferencia di prensa di Gobierno a papia di e problematica di nos muchanan rond di Carnaval.

“Specificamente pa loke ta Carnaval 66, unda cu den corant y riba social media nos a wak imagennan di e mucha chikito den su stroller na un actividad di Carnaval”.

“Tin hopi caso cu ta pasando den y pafo di nos Carnaval cu ta totalmente inacceptable y increiblemente grave”.

Esaki segun e mandatario, kende a sigui bisa cu si nos no haci algo pa cuida nos muchanan den Carnaval ya caba cosnan ta bay for di man.

Croes a bisa cu hunto cu Minister di Husticia el a yama e team di e Crisis Plan Social pa bin hunto pa reuni riba kico ta e posibilidadnan di accion cu por wordo tuma pa den Carnaval 66 cuminza haci un diferencia caba.

“Obviamente nos ta spera cu e iniciativa aki di e ministerio di Asuntonan Social, e Ministerio di Husticia y tur otro ministerio cu ta forma parti di e Crisis Plan Social bay bon, pasobra nos ta considera e tema di neglisha nos muchanan algo hopi grave”, segun e mandatario, kende a sigui bisa cu e problematica aki tin necesidad di atencion di henter comunidad.

 

- Advertisement -

DUNA COMENTARIO

Please enter your comment!
Please enter your name here