Home Gobierno Minister di Asuntonan Social kier stimula mas hoben pa participa den Formacion...

Minister di Asuntonan Social kier stimula mas hoben pa participa den Formacion Social

29
0
SHARE
- Advertisement -

ORANJESTAD (AAN): Durante e conferencia di prensa di Gobierno di tur Dialuna, Minister di Asuntonan Social Glenbert Croes a papia riba e tema di Formacion Social.

E mandatario a splica cu e periodo nobo di Formacion Social ta cuminza dia 25 di Februari.

“Mi kier haci un yamada na henter nos comunidad, na tur hoben cu ta desea un forza positivo nobo, un oportunidad nobo den nan bida, pa participa na e Formacion Social”.

“Si pa un motibo of otro bo no a sigui scol, inscribi den Formacion Social cu ta un programa cu basicamente y fundamentalmente ta dunabo un oportunidad nobo pa un bida nobo”.

Esaki segun e mandatario, kende a haci un apelacion tambe na e mayornan pa stimula nan yiunan pa participa, si nan ta sinti cu nan yiunan tin e necesidad di un oportunidad nobo pa haya un guia, banda di e guia cu nan ta haya caba na cas.

“Ta obvio cu como Gobierno nos ta realiza cu tin hopi mayor cu kier duna nan yiunan un bida nobo, pero nos ta realiza tambe como Gobierno cu tin mayornan cu tin nan propio lucha y dificultadnan, cu ta haci cu quizas ta dificil pa nan forma un forza positivo den bida di nan yiunan”.

“Pesey Gobierno ta sinti e necesidad di asumi e rol di ta un di dos tata of mama den bida di e yiunan”, segun Croes, kende a indica cu no por laga ningun hoben desampara den nos comunidad, pasobra e por bira un riesgo pa su futuro, unda cu e por coi un mal caminda.

E minister a trece dilanti cu actualmente tin 11 hoben cu a inscribi te ainda pa e programa di dia 25 di Februari, pero e intencion ta pa haya hopi mas.

- Advertisement -

DUNA COMENTARIO

Please enter your comment!
Please enter your name here