Home Enseñanza Innovacion ta ago hopi importante no solamente pa Gobierno pero tambe pa...

Innovacion ta ago hopi importante no solamente pa Gobierno pero tambe pa comunidad

19
0
SHARE
- Advertisement -

Premier Wever-Croes

ORANJESTAD  (AAN): E aña aki ta aña di innovacion y enseñanza y innovacion ta un linea cora den e maneho di Gobierno.

Esaki Prome Minister Evelyn Wever Croes a bisa durante e conferencia di prensa di Gobierno di tur Dialuna, unda cu el a bisa tambe cu innovacion ta ago hopi importante no solamente pa Gobierno, sino tambe comunidad,  companianan y miembronan di prensa.

“Como cu mundo ta cambiando asina lihe, nos tambe mester cambia cu mundo”.

“Importante ta pa nos por prepara nos pais riba e cambionan cu ta spera nos”.

“Nos tin un vision pa innovacion den nos pais, pero un vision sin accion ta keda na un soño”.

Esaki segun e mandatario, kende a sigui bisa cu pesey ta importante pa pone den un accion.

El a indica cu relaciona cu esaki Gobierno a institui e fundacion Futura, cu den nomber di Gobierno ta stipula y ehecuta e maneho di innovacion.

“Futura a entrega su relato annual na Gobierno siman pasa y den esaki nan a splica cu nan a haci mas cu 40 proyecto cu ta envolve miles di persona”.

“E aña aki nos lo continua cu e proyectonan aki, pero nos lo enfoca ademas riba 5 area specifico”, segun Wever Croes, kende a indica cu e prome area ta e area di E-Government, cu ta parti di digitalizacion den Gobierno.

“Ya caba cu e-Government Academy di Estonia nos ta finalizando e ‘road map’ cu ta bay wordo publica dentro di poco”.

“Cu e cambionan aki e trabaonan di Gobierno ta bay ta mas lihe, mas facil, mas instantaneo y mas sigur, unda cu Gobierno ta bay brinda mas servicio online”, segun Wever Croes.

E di dos area cu lo enfoca riba dje ta ‘100 innovations 2020’, cu ta un competencia pa tur ciudadano y organizacion na Aruba, cu e meta pa encurasha nan pa bin cu ideanan con pa haci cosnan nobo.

E mandatario a indica cu e meta principal ta pa e aña aki identifica e 100 mihor proyectonan di innovacion y asina yuda nan pa ricibi fondonan y training etc.

E di tres area di prioridad den innovacion ta B-Lab Santa Cruz.

Wever Croes a splica cu a crea dos laboratorio tecnico na Biblioteca na San Nicolas y na Biblioteca na Oranjestad y awor e aña aki ta bin cu un di 3 na Santa Cruz.

“Esun di Santa Cruz ta bay ta diferente”.

“E ta bay ta enfoca riba ‘biotechnology’ y agricultura, unda cu nos ta bay laga e muchanan hunga y ser conoci cu diferente tecnica di ciencia y tecnologia cu bo por aplica riba e tereno aki”, segun Wever Croes.

Pa loke ta e di 4 area riba cual lo enfoca, Prome Minister a bisa cu ta trata di ‘Future of Work Vocational Training Cyber Security, unda cu lo busca nos propio hendenan pa duna nan cursonan pa nan por ta prepara den e area di ICT y Cyber Security pa nan mes por yuda Gobierno den su trabaonan.

E di 5 area ta ‘e-Learning 2.0, cu ta bay ta e di dos proyecto piloto di digitalizacion na scolnan.

- Advertisement -

DUNA COMENTARIO

Please enter your comment!
Please enter your name here