Home General ImSan tin plan pa yuda tur caso di emergencia durante dianan di...

ImSan tin plan pa yuda tur caso di emergencia durante dianan di Carnaval

102
0
SHARE
- Advertisement -

ORANJESTAD (AAN): E meta di ImSan ta pa mehora aun mas su servicio den cuido medico, y principalmente enfoca hopi den cuido den caso di emergencia.

Esey ta loke Director Joel Rajnherc a indica den un entrevista cu DIARIO.

El a mustra cu aworaki e Hefe di Servicio di Ambulans, y tambe Hefe Medico Cluster Manager di Servicio di Emergencia (SEH) tin un plan hinca den otro pa asina garantiza e mihor cuido posible den caso di emergencia.

Segun Director Rajnherc, lamentablemente e momentonan aki Departamento di SEH su seccion ta bao di construccion y no ta completamente habri y renoba.  Nan ta spera cu dentro di par di siman esey lo socede.

Na e momentonan aki ainda Servicio SEH na ImSan no tin tur e cambernan disponible.  Pero toch ImSan a tuma tur precaucion necesario pa y alternativo, pa duna cuido na mas pacient si acaso esey ta necesario.  Segun e Director, ImSan tin suficiente docter, enfermera, y tur hende ta disponible pa duna extra man, na cualkier momento cu esey ta necesario.

Servicio di Ambulans di ImSan tambe tin suficiente personal, suficiente material, y ta pone un dienstlijst a base di e cantidad di evento cu tin durante Carnaval pariba di brug.  ImSan ta spera cu lo tin bon cooperacion di tur hende, y cu alcohol ni droga forma hopi problema den e actividadnan.  Pero nan ta cla pa actua y duna servicio.

E Director a gradici tambe e bon cooperacion ricibi di Polis den casonan di emergencia, unda cu nan ta defende personal di emergencia tambe cu tin biaha ta haya nan confronta cu publico cu no ta duna cooperacion.

Hasta si acaso vehiculonan di Ambulans wordo blokea door di trafico, Polis ta core duna un man pa asina habri caminda pa vehiculonan di emergencia por yega.

 

- Advertisement -

DUNA COMENTARIO

Please enter your comment!
Please enter your name here