Home Comercio Grupo di 7 persona via Exprodesk ta cla pa cuminza exporta producto...

Grupo di 7 persona via Exprodesk ta cla pa cuminza exporta producto y servicio

51
0
SHARE
- Advertisement -

ORANJESTAD  (AAN): Recientemente un grupo di 6 hende muher y 1 homber a keda cla via Exprodesk pa cuminza cu servicionan di exportacion na 2020.

Den un entrevista Sharon Meijer di Exprodesk di Departamento di Asuntonan Economico a splica cu 2019 tabata un aña sumamente exitoso, unda cu Exprodesk a duna alrededor di 30 tayer y presentacion den un variacion di topico dirigi riba e necesidadnan di nos comerciantenan local.

“Nos a culmina 2019 na un manera sumamente exitoso cu un grupo di nos comerciantenan, di cual mayoria tabata hende muher, cu ta cla aworaki pa cuminza exporta nan producto y servicionan den 2020”.

Esaki segun Meijer, kende  a sigui bisa cu ademas di duna tayernan den tecnologia, Exprodesk a bin cu un proyecto tambe e aña aki cu yama ‘from Zero to Heroe’.

El a splica cu den e proyecto aki Exprodesk a traha paketenan special, unda cu comerciantenan por a sigui 4 diferente stap specifico pa loke ta ora cu nan kier exporta nan producto di mercadeo di digital te na papeleo y te na e standards cu nan tin mester.

“Esaki tabata un trayectoria di 8 siman largo, unda cu un grupo selecciona durante 8 siman largo por a sigui e tayernan intensivo aki”.

“Di e grupo aki 7 persona a logra pasa tur cos exitosamente”, segun Meijer, kende a indica cu e grupo a haya un coach experto, cu ta bay duna nan un guia individual personaliza riba nan negoshi, esta nan ta wordo bon splica con pa nan drenta cua mercado y kico mas pa haci”, segun Meijer.

 

- Advertisement -

DUNA COMENTARIO

Please enter your comment!
Please enter your name here