Home arte y espectaculo Fundacion CINEARUBA ta invita comunidad pa wak y vota pa e pelicula...

Fundacion CINEARUBA ta invita comunidad pa wak y vota pa e pelicula faborito

24
0
SHARE
- Advertisement -

ORANJESTAD (AAN): Diahuebs awor Fundacion CINEARUBA lo presenta ‘Shortcutz Amsterdam International Audience Award.’ E evento lo inicia 8’or di anochi y e lo tuma luga na Baz-rrr Galleria y Brassserie den centro di ciudad na Emma Straat 3.

Durante e evento e publico lo por disfruta di shete peliculanan cortico cu ta compitiendo pa e premio di e pelicula faborito di publico. Despues di e presentacion e publico presente lo vota pa nan pelicula faborito.

Shortcutz Amsterdam ta forma parti di e mes un network cu Shortcutz Aruba.

Manera tur aña e premio publico di Shortcutz Amsterdam ta wordo dicidi door di e publico di diferente pais.

Un total di 28 ciudad perteneciente na 15 pais ta participando entre otro Hong Kong, Angola, Italia, Brazil y Inglatera. Tur e peliculanan cu lo wordo presenta durante e anochi di diahuebs lo tin subtitulo na Ingles.

Entrada na e evento lo ta completamente gratis. Pa mas informacion por bishita e pagina di Facebook di CINEARUBA.

 

- Advertisement -

DUNA COMENTARIO

Please enter your comment!
Please enter your name here