Home General Ezzard Cilie retirando como Director di Hospital

Ezzard Cilie retirando como Director di Hospital

548
0
SHARE
- Advertisement -

E mihor noticia di 2020

ORANJESTAD (AAN): For di aña 2018 caba tempo cu e tan keri oncologo Dr. Jonkhoff a basha abao riba tur loke ta pasando den Hospital di Aruba, y cu el a tuma e decision doloroso di tuma retiro y bandona e isla… por a nota cu Ministro di Salubridad Publico Dangui Oduber no a keda hopi impresiona mas den e director Ezzard Cilie di Dr. Horacio Oduber Hospital.

Ainda por corda e intentonan y pasonan firme cu Ministro a purba pone pa asina haci algo pa logra pa e oncologo a keda Aruba toch.  Pero esey no a logra.  For di e tempo ey, por a nota Ministro ta expresando su deseo pa busca un reemplazante, y esey a bira mas fuerte durante 2019.

Mientras tanto for di diferente angulo, por a sigui mira con hendenan conoci den comunidad, y tambe den social media ta sigui anhela pa e persona aki bandona su puesto como director.

Ademas di e entrevista exclusivo cu DIARIO a sostene cu oncologo Dr. Jonkhoff, despues a nota cu hasta e como 95% di Specialistanan Medico na Aruba hunto a firma un mocion di desconfianza contra Cilie.

Tabatin toch un luz na final di e tunnel, pues cu e contract di Cilie lo ta vence na December 2019.  Como un bonus extra, a bira conoci cu e lo por bay cu pensioen tambe.

Januari 2020 ta habri cu e bon noticia, cu Ezzard Cilie ta retira como Director di Dr. Horacio Oduber Hospital.  Esnan cu a bin ta vigilando tur e blundernan di Hospital di ultimo tempo, ta haya cu esaki porfin ta e “wow moment” cu Cuido Medico na Aruba tabata sperando riba dje.

Y mas cu claro, Ministro mes cu su propio wowonan tabata mira con e animo di trahadornan, e lucha di sindicato na Hospital, y tur hende ta keha.  Cu mesun wowo e ta mira con por ehemplo na ImSan, ta net lo contrario ta socede.

Eynan e por a mira con trahadornan ta completamente anima y ta bayendo e miya extra na beneficio di progreso di cuido medico.   Pesey tambe mas hende ta prefera di bay Servicio di Emergencia na ImSan, compara cu bay perde nan tempo na Eerste Hulp na Hospital.

Pabien Aruba!  Ezzard Cilie ta out!  Ban drecha cuido medico awor.

- Advertisement -

DUNA COMENTARIO

Please enter your comment!
Please enter your name here