Home Bites Exemplary Women of Aruba lo honra seis dama ehemplar di e isla

Exemplary Women of Aruba lo honra seis dama ehemplar di e isla

5873
0
SHARE
— E damanan cu lo wordo honra ta Flor Laclé, Misha Wever, Janella Gomez, Merelitsa Croes, Ellen Kuster, y Betty Adkins.
- Advertisement -

ORANJESTAD (AAN): Pa otro siman Diabierna 7 di Februari 2020, Aruba ta bay conoce un evento cu nunca antes a yega di wordo organiza riba e isla.

E evento yama “Exemplary Women of Aruba”, y lo bay honra seis dama di Aruba cu por wordo considera di ta un muher actual, cu riba e isla a demostra nan capacidad pa carga hopi tarea riba nan schouder, pero toch keda hopi profesional den nan carera di nan respectivo area di trabao, y alavez nan ta mama di famia, y tambe nan cuido personal ta uno cu ta mustra cu nan tin hopi disciplina.

E persona cu a bin cu e concepto aki ta Carlos Centeno, y den un entrevista cu DIARIO, el a mustra con awor cu ta pone spotlight riba e seis damanan aki, nan lo bira vocero di nan experiencia di bida via di nan presencia magnifico y grandi riba stage, con nan ta maneha nan curpa, y e mensahe cu nan ta bay duna, sosteni pa un videoclip cu ta resumi parti di nan bida, cu ta basa riba nan logronan te asina leu den e diferente movimentonan di nan bida.

Esakinan ta ciudadanonan femenino cu a inspira y a tuma un ehemplo pa sigui cu e multitask di nan bida familiar, profesiona, y deportivo.

Entre e damanan cu lo wordo honra tin:  (*) Flor Laclé (Ehecutivo y doño di Real Estate).  (*) Misha Wever (Fitness Bodybuilder y Taxista independiente).  (*) Janella Gomez (Backelor di Business Administration-Economics y Finanzas cu specializacion den Banking). (*) Merelitsa Croes (Waitress).  (*) Ellen Kuster (Abogado), (*) Betty Adkins (International Bodybuilding Champion, figura reconoci di Ms Olympia USA Competitions).

DIARIO a keda agradablemente sorprendi cu e concepto di e evento aki pa honra e damanan aki, di cual algun ta mama, y toch ta logra di multitask tur nan tarea diario y ainda haya chens di mantene nan curpa den optimo forma.

   SESION DI COMBERSACION:

Algo cu DIARIO a nota cu e evento aki lo inclui tambe, lo ta un sesion di “Combersacion” riba escenario.  E damanan cu ta wordo honra, lo sinta banda di otro riba stage y aki nan lo bay combersa cu otro riba diferente topico, pa splica mas di nan bida, y haci pregunta na otronan.

Aki e organizador Carlos Cedeno a splica na DIARIO, cu publico tambe lo haya chens di haci pregunta na e damanan riba escenario.

E evento lo tuma lugar riba stage di Cage Nightclub na King Plaza riba Avenida Nelson Oduber.  E concepto y realizacion di e evento particular aki ta na man di Carlos Centeno, bao produccion di Humphrey Odor di Cage Nightclub.

Publico ta invita pa acudi na e evento aki Diabierna venidero y e show lo cuminza 8:00 pm.  Lo bay cobra pa entrada.

Den e siguiente seis edicion di corant, DIARIO lo publica tur dia un relato cortico di cada participante, esta Flor Laclé, Misha Wever, Janella Gomez, Merelitsa Croes, Ellen Kuster, y Betty Adkins pa pueblo haya sa mas di nan.

- Advertisement -

DUNA COMENTARIO

Please enter your comment!
Please enter your name here