Home Religion y Espiritualidad Entrante Februari lo bay tin misa na Spaño na Santa Cruz

Entrante Februari lo bay tin misa na Spaño na Santa Cruz

34
0
SHARE
- Advertisement -

Orarionan di Misa di Diadomingo ta cambia

ORANJESTAD (AAN): Durante un conferencia di prensa convoca Diaranson mainta, Pastoor Jairo y Pader Jose Nava, hunto cu Conseho Parokia Pastoral a revela cu lo bin cambio di orario di misa den Parokia Inmaculada Concepcion na Santa Cruz.

Entrante Diadomingo 2 di Februari, e orario di misa ta cambia. E cambio lo ta siguiente.

Diadomingo lo bay tin e Misa mayor pa 8:00 am.
Misa di 10:00 am lo ta na idioma spaño.

Tambe tin misa atardi pa 6:30 pm.

Esaki nifica cu e acostumbrado Misa di Diadomingo di 6:30 am, y tambe e misa di 9:00 am a cay afo, y lo pasa pa e horario nobo.

Solamente e misa di Diadomingo atardi ta conserva su ora manera custumber.

A ser treci dilanti, cu posiblemente despues di misa di 8:00 am, lo por ofrece na porta di misa un copi di coffie, y di e forma ey e Sacerdotenan por comparti un rato cu e parokianonan

Dialuna ta un dia di descanso pa e sacerdotenan, esey kiermen cu lo no tin celebracion eucaristico riba Dialuna, pero si mester haci entiero esey ta posibel.  orario di oficina na Pastorie di Santa Cruz ta keda normal, esta di Dialuna pa Diabierna di 5:00 pm te cu 6:30 pm.  E oficina di Santana ta habri Dialuna Diaranzon y Diahuebs di 5:00 pm te cu 6:00 pm.

Santa Cruz a participa tambe cu ya tin fechanan di Bautismo pa aña 2020 estableci sin posibilidad pa cambia esaki.  Pronto lo anuncia tambe fecha di inscripcion pa confirmacion.

   MISA VIA TV:

Parokia Inmaculada Concepcion ta sigui ofrece misa na TV cual te awor ta Telearuba y DiarioTV, y tambe riba YouTube: Dia Di Señor. Facebook Page: Parokia Inmaculada Concepcion Aruba.

Posibelmente e misa na spaño lo ser transmiti den futuro riba “Tele Jesus Internacional” di New Jersey na Merca.

Parokia Inmaculada Concepcion tambe lo bay ofrece celebracion Eucaristico na spaño, tumando nota cu tin hopi hende di e comunidad latino residenciando tambe ariba Aruba Pero e ta habri pa tur cu kier bini misa e ora ey.

Iglesia como Mama tambe ta habri porta pa nan y yama nan bon bini. Parokia di Dakota ya pa basta aña a habri porta pa e comunidad aki, cual a haya su forma di e mihor manera.

    IDIOMA SPAÑO:

Di con un misa na otro idioma?  Pa cuminsa na parokia di Noord tin misa na Ingles, na Dakota tin misa na spaño cual ta bon bishita y Santa Cruz tambe tin e posibilidad di ofrece esaki ya cu ambos Sacerdote cu ta aki ta domina e idioma spaño.

Na mes tempo y prome cu tur cos e Palabra di Dios mester ta anima nos pa habri porta pa tu hende di bon boluntad y na cada hende cu nos atende, ta Hesus mes nos ta atende.

Nos ta lesa den Mateo 25, 35-43: “Mi tabata extranhero boso a ricibimi”. Y Papa Francisco den su hornada mundial di refugiadonan y Migrantenan ta bisa nos “Cu cada forastero of extranhero cu yama na nos porta ta un ocasion di un topamento cu Hesu-Cristo mes cu ta identifica su mes den e hende, sea cu e ta keda ricibi of rechaza. Na cada hende cu ta bandona su patria pa un mihor situacion di bida, Señor mes ta confie na e amor maternal di Iglesia y finalmente tambe ta un gran responsabilidad di Iglesia pa e comparti cu tur hende di bon boluntad sin mira di unda e ta bini.”

Den mes un rosea Pastoor Jairo y Pader Jose ta participa cu nos parokia awor despues di tres aña cu nan t’ey ta conta cu un Conseho Pastoral Parokia solido, cual nan ta apoyando di forma incondicional y tur decisionnan ta ser consulta cu nan tambe, pa asina e Parokia aki ta bira un cu ta habri pa tur hende.

 

- Advertisement -

DUNA COMENTARIO

Please enter your comment!
Please enter your name here