Home General E salto di Guaidó ora Maduro a perde poder na 2015

E salto di Guaidó ora Maduro a perde poder na 2015

169
0
SHARE
- Advertisement -

Aruba no a reconoce e berdad politico di Venezuela na 2016 

*Un relato exclusivo riba e origen di e ultimo desaroyo na Venezuela 

ORANJESTAD (AAN) — Durante ultimo simannan, DIARIO a bini ta adverti pa problema serio cu por a presenta na Venezuela y lo resultado directo pa entre otro Citgo.

Ayera e bom a rementa. Loke tabata resta pa pasa den e situacion na Venezuela, a tuma luga. Pero hopi Arubiano ta puntra nan mes kico a pasa na Venezuela. Awe DIARIO ta contesta preguntanan pero tambe ta entrega e prueba cu ora Aruba a firma e acuerdo di Citgo, Aruba no a reconoce e berdad politico na Venezuela na 2016.

Aruba a bay habri negociacionnan cu Nicolas Maduro, na un momento serio pe Venezuela.

Un cantidad grandi di Venezolano tabata bandona nan pais y acepta e posicion di refugiado den un situacion cu realmente tabata un guera civil.

Na 2015 Venezuela ya a rechasa Nicolas Maduro den e eleccion cu a tuma luga pa dicidi riba e asientonan den Asamblea Nacional, e Parlamento di Venezuela cu a mira luz na 2000.

Prome cu e fecha, constitucion di Venezuela y representacion di pueblo a wordo cambia y cambia. Chavez a haci cu un mayoria di Venezuela a opta pa e Asamblea Nacional Constituyente, den cual e tabata tin tur poder.

Na 2015 tabata tin eleccion pa e Asamblea Nacional basa riba sistema democratico. Pa enfrenta Nicolas Maduro y Chavismo, partidonan politico di Venezuela cu tabata contra Chavista, a uni forsa y a forma e Movemento Union Democratico di diferente partido.

Den e panorama aki nos ta topa cu un hoben profesional, Juan Gerardo Guaidó Marquez, un Social Democrata cu a studia na Merca y Venezuela.

Na 2007 el a uni forsa cu Leopoldo Lopez y a forma e partido Voluntad Popular, cu a bira parti di e grupo cu a opone Nicolas Maduro conhuntamente y na 2015 a haya mayoria di voto pa Asamblea Nacional.

Loke ta pasa awe na Venezuela, ta haya su reis den 2015 ora e grupo cu a gana eleccion, a bay di acuerdo pa presidencia di Asamblea Nacional ta den man di un man diferente pa asina e cinco partidonan por a haya presidencia.

Na 2019 a toca turno na e representante di Voluntad Popular, cu a bira Juan Guaido, pa actua como Presidente di Asamblea Nacional na 2019.

A base di Constitucion, ora Maduro a haci bofon di e sistema electoral, el a asumi e posicion di Presidente Interino di Venezuela.

Diadomingo. Asamblea Nacional di Venezuela mester a eligi un Presidente pa 2020.

Tabata parce di tin tur sosten den e movemento di cual Guaidó ta forma parti, pa e keda  Presidente di e Asamblea. Ora el a yega e sede di Asamblea Nacional, e no a haya oportunidad pa drenta.

Nicolas Maduro a laga su grupo Chavista eligi un Presidente contra tur regla. Anochi pafo di e sede, Juan Guaidó a wordo eligi dor di e mayoria di Parlamento como Presidente di Asamblea Nacional y asina por keda Presidente Interino di Venezuela.

Paisnan cu ta sostene Juan Guaidó a ratifica nan sosten y awe ta habri Venezuela den un situacion, cu por wordo cualifica como Guera Civil, cu e sede di Asamblea Nacional tambe den man (na forma ilegal) di Nicolas Maduro.

E sucesonan actual ta hiba atencion na e momento cu Aruba a firma e acuerdo cu Citgo, mientras ya Nicolas Maduro a wordo rechasa dor di mayoria di votado durante e eleccion 2015 di Asamblea Nacional.

Awe Guaidó tin Citgo den su man na Merca y a reclama Aruba di a haya placa tempo di Nicolas Maduro.

 

 

- Advertisement -

DUNA COMENTARIO

Please enter your comment!
Please enter your name here