Home Policial Cuerpo Policial ta investigando caso di menasa na Colegio Arubano

Cuerpo Policial ta investigando caso di menasa na Colegio Arubano

389
0
SHARE
- Advertisement -

ORANJESTAD (AAN):   Cuerpo di Polis a duna di conoce diabierna atardi cu en conexion cu un denuncia di  Colegio Arubano cu a drenta na Cuerpo Policial, nan ta informa cu KPA ta haciendo nan investigacion pa cu e menasa aki.

Mas datonan no a wordo suministra relaciona cu e caso aki. Tur cos ta mustra cu ta den direccion di un menasa di tiramento na scol, y pa e motibo aki, e board di scol a informa debidamente e mayornan y nan staff  di un posibel menasa. Aunke e menasa no ta confirma te cu awor, ta sinti cu ta un deber y un responsabilidad pa informa y alerta kico ta pasando.

Mirando cu ta trata di un caso hopi serio, a dicidi di inicia cu un investigacion unda a involucra polis y mesora aumenta e seguridad na scol.

A cuminza cu un procedura di seguidad interno como plan durante e proximo dos siman.

Ta conoci cu na Merca, e casonan aki ta sosodiendo mas y mas cu consecuencianan fatal mayoria di biaha.

Ta na su lugar pa investiga cualkier indicio of sospecho y mas cu tur cos, un menasa cu por bin den e direccion aki.

- Advertisement -

DUNA COMENTARIO

Please enter your comment!
Please enter your name here