Home General Astrid Vries cu programa pa asina purba yuda adictonan ambulante na Aruba

Astrid Vries cu programa pa asina purba yuda adictonan ambulante na Aruba

25
0
SHARE
- Advertisement -

ORANJESTAD (AAN): Den un entrevista cu e conocido Astrid Vries, e ta mustra cu semper e tabata un persona for di su hubentud kier a aporta na ayudo di su prohimo.

Pues e tabata yuda un tiki aki y aya. Pero despues di tempo segun cu bo ta crece bira mas grandi bo ta bira un persona cu ta carga mas responsabilidad.

Bo tin bo trabao, bo cas y bo tin bo yiunan. Pero asina cu bo yiunan ta mas grandi bo ta haci bo best pa haci mas.

“Mi a crea pa mi bario Mabon un comite yama Comite Mabon NPU cu nifica ‘Nos Prohimo Uni’,” Vries a bisa.  El a mustra cu esaki ta unda cu e Comite tabata planea diferente actividad pa e muchanan di bario y nos grandinan.

Mirando problemanan cu tin den tur bario, el a dicidi cu pa uni cu otro barionan pa papia cu otro comisionnan di bario pa traha riba un plan pa tur bario. Un plan basico pa yuda e barionan y traha riba e problemanan.

“Pero mi a worde acerca door di un hoben pa puntra mi si mi kier forma parti di un Boot Camp. Mirando mi deseo precisamente pa yuda hobennan, mi a acepta y cuminsa traha di biaha pa realiza e Proyecto di Boot Camp y nos a logra realiza e Proyecto.”

“Mi no lo bay papia mucho tocante di e Proyecto aki cu tur parti di mundo nos arubianonan tabata sigui e riba facebook page y tabata apoya e Boot Camp pero nos aki na Aruba tambe. Lamentablemente e no a dura.”

“Ami nunca kier a give up mi deseo di yuda. Mi kier a realisa e ora ey un Change Camp. E Change Camp aki no ta mescos cu e Boot Camp pero e ta basa mas riba Educacion pa no solamente siña idioma pero tambe e ofishinan basico y tambe scucha e hobennan y duna nan e educacion di bida, ya cu nan ta esnan cu ta e futuro di mañan.”

“Pa yuda nan no cay den droga y alcohol, cuida nan mes pa no bira mama y tata na un edad jong (pasobra bida no ta facil), lucha pa crea un bon futuro.

Den e Change Camp aki no ta existi cashot sino un thinking room unda cu si acaso algo a bay robes sea den klas of riba e tereno unda cu tin break, lo hiba e mucha den e thinking room pa e pensa riba e situacion y cu un pen y pida papel e por pensa y skirbi con e situacion por a bay otro y na final e mes lo mira cu e por a actua otro.

Asina poco poco bo ta yuda e mucha pa cambia su comportacion y actitud. Papia cune y dune conseho y guiansa.

Pero lamentablemente e edificio di ex-Leon Battery San Nicolaas ta rekeri un gasto grandi cu a haci e imposibel pa realiza e Proyecto sin yudanza financiero. E lucha ta sigui pa yuda aki y aya. Yudando nos adictonan ambulante cu loke bo por.  Organiza Proyectonan manera Derechonan Humano na aña 2017 y 2018. Proyecto di Recovery Month treciendo concientisacion riba droga y alcohol na aña 2018.

“Na comienso di aña 2019 Dios a pone na mi curason pa mi crea un Programa Social unda mi por trece topiconan social pa educa, informa y concientiza nos riba problemanan social. E Programa mi a dune e nomber  “Bo Programa Social” presenta door di mi persona Astrid Vries bow di e nomber “Cu Astrid bisa Mi”.

For di Maart 2019 e mi programa na Mega FM 88.1 pa esnan cu kier scucha su programa via radio. Pa mantene e radio e lo acerca comerciantenan pa dune mi e sosten pesey mi ta invita Comerciantenan pa scuche tur atardi.

Banda di esaki pa e mesun motibo di tin un curazon social a haci mi cada dia mas hopi critico contra gobierno y den e direccion aki mi kier continua cu cualkier gobierno cu sinta den futuro pa mira mehoramento den social. Si ami por cambia pensamento di esnan cu ta scucha mi programa social cu e ta desea sea pa sali for di e caminda robes, of yuda pa un hoben no drenta e caminda robes mi ta contribui di e manera aki na bida di un persona individual pa tuma mihor decision y tambe na mi Pais.

Cuanto mas un gobierno por haci teniendo e financia y tur e departamentonan bow di nan maneho por haci pa e ciudadanonan.

Pueblo tin cu compronde cu como prohimo tin e responsabilidad pa stima otro manera nos ta stima nos mes. Es decir pa no haci cu otro loke bo no kier pa otro haci contra bo. Tampoco no perhudica un persona pa bira bo victima ni tampoco perhudica un persona pa haci otro bira un abusador. Hunto nos por bira un mihor persona y huntu nos por crea un mihor Pais pa e futuro generacion cu ta sali for di cada cas di famia.

Vries a finaliza bisando: “Compartiendo un tiki di mi experiencianan pa splica unda nan a hiba mi persona awe y mi ta contento cu cada sabiduria y comprondemento cu e ta agrega na mi bida.”

- Advertisement -

DUNA COMENTARIO

Please enter your comment!
Please enter your name here