Home Deporte Aruba a haya un Academia pa desaroya hobennan bira super mihor Keeper...

Aruba a haya un Academia pa desaroya hobennan bira super mihor Keeper den futbol

540
0
SHARE
- Advertisement -

ORANJESTAD (AAN): Johanna Jacobs di e seccion di mercadeo di Burger King, a anuncia nan alianza nobo pa 2020 pa yuda sostene e interes di hobennan den deporte.

Durante un conferencia di prensa na Burger King Paradera, el a splica cu e compania ta contento di por aporta bek na comunidad.  Nan no ta djis percura pa aporta bek na comunidad cu bon producto y servicio y special, pero door di haci esaki nan ta yuda comunidad di Aruba.

E biaha aki nan ta haci esey hunto cu Aruba Goalkeeper Academy cu ta un instituto di deporte riba e isla, unda hobennan lo wordo yuda pa asina sigui crece como Keeper di Futbol.

Nan lo tin coachnan dedica, y ta haya nan uniform, y ta participa na sesionnan di training.  Di e forma ey hobennan lo sigui crece den Futbol, cu specializacion di keeper.  Burger King ta orguyoso di yuda stimula y educa e deportistanan hoben.

Dreyer Bracho ta co-fundador y coordinador di Aruba Goalkeeper Academy.  E ta hopi contento cu e sosten ricibi di Burger King pa haci esaki realidad.

E tabata algo cu Aruba tabatin mester, pasobra tempo el a yega e isla, el a nota cu e baranca aki tin hopi talento den deporte, arte, musica!  E isla tin un proyeccion grandi, y no ta compronde con bin tin biaha e ‘talentonan’ aki ta perde.

Riba tereno di futbol, el a pensa cu esaki ta un chens unico pa mehora e habilidad, tactica, y conocimento di tur keeper di goal.

Asina a bin cu un academia cu ta unicamente dedica na keepernan, y ta cuminza di chikito pa tur esnan cu gusta hunga futbol, gusta bay training, y tin soño pa bira un futbolista internacional.

Aruba Goalkeeper Academy (AGA) a mustra cu nan lo tin un disciplina diferente, un structura aparte pa formamento di cada uno.  Bracho ta convenci cu deporte ta un complemento pa educacion, un hoben cu tin educacion pero no tin deporte, e lo no ta completo.  Vise versa tambe ta realidad.

El a mira con bon e organizacion di Aruba Soccer Academy (ASA) ta trahando cu e hobennan, cu un bon structura, y asina cubri e educacion di futbol den tur skina di e isla.  E ta admira cu tin hasta ASA-Pro cu ta pone mas enfasis riba esnan cu ya caba ta dominando deporte di futbol na forma fabuloso.

Asina hunto a bin cu e proyecto di Goalkeeper pa asina pone mas enfoque riba desaroyo di e habilidad di arquero.  Pues awor ta pone e simiña pa asina den futuro cercano, Aruba tin e mihor keeepernan riba veld den e deporte rey Futbol.

- Advertisement -

DUNA COMENTARIO

Please enter your comment!
Please enter your name here