Home Economia Algun idea simple con pa traha un presupuesto cada luna

Algun idea simple con pa traha un presupuesto cada luna

51
0
SHARE
- Advertisement -

Consehonan pa comienzo di aña:

ORANJESTAD (AAN): Trahamento di presupuesto lo por ta algo laf, pero tin forma pa haci esey mas facil.  Awe lectornan lo haya algun conseho con pa traha un registro di bo entrada y gastonan, pa bo por tin tempo y placa pa asina haci cosnan cu ta ponebo diverti mas.

   PROPORCION 50/30/20

Tin un cantidad di tecnica di presupuesto disponible, pero un di nan ta particularmente eficaz y facil pa corda: E proporcion 50/30/20.

Pa esey bo mester tene na cuenta e gastonan manera pago di hipoteca, pago di draft di compra di auto, pago di coriente, awa, telefon, CableTV, Internet, y e gastonan mas variable manera viahenan of servicionan di online streaming.

Resumiendo, bo mester tuma tur entrada y di esey, no gasta mas di 50% na gastonan fiho manera hipoteca.  Bo tin di destina 20% pa spaar e placa y paga debe, y e 30% restante bo mester usa pa diferente gasto.

E sistema aki ta un alivio, pasobra e metodo aki ta ponebo gasta plca riba cosnan cu ta importante pa bo, bo famia, of bo estilo di bida.

   COMPRONDE FLUHO DI PLACA:

Unavez cu bo haya idea di bo gastonan, bo mester cuminza registra nan tur.  Ta bon pa bo traha un lista di loke bo tin di paga cobranzanan.  Traha un lista pa e gastonan.  Aki percura pa bo no bay cheat riba e lista.  Loke tin disponible, ta loke bo por biba cune den e luna ey.

Dividi e placa ey segun e porcentahenan menciona ariba, asina cu bo salario aparece riba bo cuenta di banco.  Aparta e placa mesora pa asina e yudabo maneha e asunto mihor.

Tin varios metodo pa sigurabo cu bo no ta gastando e placa di hipoteca riba servicionan di luho.

Si acaso bo por habri mas cuenta coriente na bo banco, bo ta yama uno di nan como “fondo pa luna de miel”, y e otro como “fondo pa hipoteca”.  Hasta pidi nan un ATM-Card cu color diferente pa cada cuenta, pa asina ora bo bay haci shopping kizas ta usa e ATM-Card color cora, ora bo bay cine of teatro ta usa ATM-Card color blauw.  Bo por verifica cu e App di bo Banco si bo ta gastando den e categorianan apropia.

   NO GIVE-UP NUNCA

Corda pa si bo a crea un categoria pa e “gastonan di antoho” den bo presupuesto, no nifica cu bo mester bay riba vakantienan costoso of shopping spree sin motibo.  Djis usa e lista ey como incentivo pa bo cuminza costumbra na traha presupuesto corecto.

Si bo ta dedica tur bo presupuesto na necesidadnan basico, como tambe paga debe, y tambe spaar, nunca bo lo bay diverti y lo bo no bay sigui cu esey.

Bo presupuesto ta algo cu lo bay ta evolucionando constantemente y lo bay tin algun luna cu bo lo gasta mas, lunanan cu bo ta gasta menos.  Por ehemplo, lo bo gasta mas placa cumprando regalo na December compara cu luna di Maart.

Expertonan ta recomenda pa usa un Debit Card envez di un Credit Card pa e gastonan variable, di tal forma cu bo ta keda proactivo y no reactivo.  Unavez cu bo costumbra, bo por bolbe cuminza usa Credit Card.  Tambe ta util pa usa placa cash.  Por ehemplo, si bo bay cu solamente 100 Florin cash pa un concierto of un casino, bo sa cu bo lo no por gasta mas di esey e anochi ey.

Tur hende mester busca e metodo cu bo ta confortable cune.  Despues di tempo, lo bo costumbra traha un presupuesto y e lo no bira un stress personal mas.

 

- Advertisement -

DUNA COMENTARIO

Please enter your comment!
Please enter your name here