Home Hudicial Agente di Polis suspendi a cuminsa caso contra Gobierno

Agente di Polis suspendi a cuminsa caso contra Gobierno

110
0
SHARE
- Advertisement -

ORANJESTAD (AAN) – Ayera merdia, e agente di Polis M., kende ta suspendi relaciona cu e patruya  caminda a filma M. y e agente B. hunto cu dos dama, a cuminsa un caso contra e suspension di alto mando policial cu ta cay bou di Minister di Husticia.

Na edificio di Corte tambe tabata presente e otro agente B. kende a bay mira kico ta bay pasa cu su colega.

E agente M. a wordo representa pa mr. Duijneveld. Prensa a bay den sala di Corte pa por a cubri e caso pa informa lectornan. Ta asina cu Hues a bisa prensa cu segun e procedura di Corte, no ta permiti pa tin prensa ya cu e caso ta cu portanan sera. Hues a puntra abogado mr. Duijneveld kico e ta pensa.

Ta asina cu mr. Duijneveld y M. a bisa cu nan no tin nada contra pa prensa ta presente. E abogado di Gobierno a bisa cu e ta laga e decision na Hues. Hues e ora ey a bisa cu e caso lo ta cu portanan sera y prensa mester a Sali.

Investigacion cu DIARIO a haci por a compronde cu e suspension di e agente M. ta te diabierna awor. Esey ta nifica cu probablemente diabierna awor e suspension ta caba y M. por cuminsa traha atrobe.

E otro situacion cu por presenta ta cu alto mando policial ta dicidi pa prolonga e suspension. E ora ey lo por spera un otro caso?

Door cu prensa no por a cubri e caso ta dificil pa bisa kico realmente a pasa den sala di Corte. Por a compronde cu dentro di algun siman lo tin sentencia.

- Advertisement -

DUNA COMENTARIO

Please enter your comment!
Please enter your name here