Home Labor Aanwijzing di Minister di Labor ta haci dificil pa Citgo haya permiso...

Aanwijzing di Minister di Labor ta haci dificil pa Citgo haya permiso pa retiro

501
0
SHARE
- Advertisement -

Hefe Seccion Conflicto Laboral y Retiro Departamento di Labor:

ORANJESTAD (AAN) – Den entrevista cu Andres Dirks, Hefe di e seccion di conflicto laboral y retiro, na Departamento di Labor, a comenta tocante e caso di Citgo. Ta conoci cu Minister di Labor a pone un aanwijzing na e compania, y sr. Dirks a indica cu esaki ta e instruccion di e mandatario.

Esaki ta nifica cu e Minister a duna instruccion na Departamento di Labor, pa Citgo no kita e trahadornan. Minister ta doño di trabao di Departamento di Labor y nan tin cu cumpli cu su instruccionnan y no por desvia for di esey. Asina Dirks a expresa.

Esaki ta encera cu Citgo no por kita ningun trahador sin un permiso di Departamento di Labor. En principio asina ta bay. Pero Citgo si por purba di yega na un acuerdo cu e trahadornan. Pero e trahadornan mester pensa esaki bon y wak si lihe nan por yega na otro trabao. Tambe Citgo por bay via Huez y pidi disolucion cual ta otro posibilidad cu e compania tin.

Te aworaki Departamento di Labor no a haya ningun yamada ni a haci contacto cu Citgo, sr. Dirks a subraya.

Na e momentonan aki, e funcionario a señala, Minister ta duna un tiki proteccion na e trahadornan di Citgo. Kiermen, cu e lo no ta facil si Citgo entrega un peticion di retiro na Oficina di Labor, sino cu e ta bay ta hopi dificil pa e compania haye.

Dirks a subraya cu e aanwijzing tin su motibo pakico e minister ta hacie, y ta su prerogative tambe.

 

 

 

 

- Advertisement -

DUNA COMENTARIO

Please enter your comment!
Please enter your name here