Home General Wever-Croes a confirma liderazgo efectivo pa confronta crisis

Wever-Croes a confirma liderazgo efectivo pa confronta crisis

133
0
SHARE
- Advertisement -

Baha coriente ta kibra impacto di medida fiscal necesario

*Aruba a haya e solucion pa paga debe sin cay den miseria

*Decision mas grandi cu gobierno por a tuma na interes Aruba

ORANJESTAD(AAN)–Uno di e reclamonan mas grandi cu tabata tin di parti di instancianan oficial contra gobierno anterior, tabata e forma cu tabata introduci proyectonan sin busca alternativa, pues otro solucion cu por ta miho pa e pais.

Kico ta planificacion responsabel a keda demostra ayera na Aruba, na momento cu un peso grandi a cay for di lomba di tur cu tabata consciente di e necesidad pa Aruba aumenta su entrada pa medio di belasting pa asina paga debenan di e pais.

Medidanan cu mester tuma pa atende cu e crisis financiero cu Aruba a hereda di gobierno anterior, ta afecta tur negoshi cu mester subi nan prijs.

Aumento di prijs tin como resultado cu pueblo por gasta menos loke ta sigui afecta negoshi cu ta paga menos belasting cu ta drenta caha di gobierno.

Na momento cu Aruba ta prepara su mes pa confronta 2020, cu lo cuminsa cu aprobacion di cifranan di 2020 den Parlamento, Prome Ministro Evelyn Wever-Croes a bini cu e solucion sorprendente.

Banda di belasting, e peso di prijs di coriente ta hunga un papel importante den costo di bida.

E prijs cu companianan mester paga pa coriente ta uno di e gastonan grandi den e prijs cu nan mester calcula pa clientenan. Si prijs di coriente no baha y belasting subi, comerciantenan mester subi nan prijs pa no hiba perdida.

Na momento cu Ministro Presidente Evelyn Wever-Croes a anuncia ayera cu e prijs di coriente ta baha considerablemente durante 2010, Aruba por a sinti e alivio enorme.

Pueblo ta bay paga menos na coriente, loke lo baha e totalidad di gasto considerablemente. E peso di prijs di coriente cu comerciantenan mester pasa pa clientenan na momento di compra, ta baha pasobra comerciantenan tambe ta paga menos na coriente cu e resultado cu nan no mester subi nan prijs si belasting subi.

E hecho cu nan ta paga menos pa coriente ta haci cu nan cifranan pa calcula na asina yama “kostprijs”, cu ta nan gastonan pa bende un producto, ta baha loke ta pone un aumento di belasting den balansa, si tin aumento di belasting atrobe.

E participacion oficial di ayera, a trece animo nobo pa Aruba den e crisis financiero y economico cu e pais conoce actualmente.

Den edicion di awe, DIARIO lo duna tur atencion na uno di e decisionnan mas importante cu gobierno por tuma na fabor di pueblo durante hopi aña y sigur na momentonan sumamente dificil.

Ministro Presidente Evelyn Wever-Croes ayera pues a confirma su liderazgo ora el a anuncia e formula cu su gobierno a introduci pa Aruba por paga tur su debenan y drenta un futuro nobo, sin cay den miseria di e paso di medidanan na 2020.

- Advertisement -

DUNA COMENTARIO

Please enter your comment!
Please enter your name here