Home Parlamento Tin 17 cambio di ley na Raad van Advies y algun cu...

Tin 17 cambio di ley na Raad van Advies y algun cu mester drenta na vigor 1 di Januari 2020

95
0
SHARE
- Advertisement -

Richard Arends AVP: Fraccion di AVP cu carta pa gobierno

ORANJESTAD (AAN):  Parlamentario Richard Arends di Partido AVP a duna di conoce cu den nomber di fraccion di AVP a entrega un carta, haciendo un peticion na gobierno, ya cu a tuma nota cu tin 17 cambio di ley cu ta na Raad van Advies aworaki.

Den e carta ta puntra gobierno kico ta nan intencion. Tin tiki dia prome cu aña caba. E leynan, algun di nan, mester drenta na vigor dia 1 di Januari 2020.

Fraccion di AVP a manda pidi gobierno kico ta e intencion cu fecha cu e leynan aki mester drenta na vigor, kico ta e embergadura di e leynan aki, kico ta bay nifica pa e poder di compra, pa e peso di impuesto.

Den e prome fase di e reforma fiscal ta tuma lugar aumento di impuesto. E peso di e impuesto ariba e comerciante, e consumidor a aumenta y kico ta e consecuencianan pa e cambionan di ley aki y finalmente si esaki ta loke gobierno a palabra cu Hulanda recientemente, a bisa.

Esaki ta un carta unda Fraccion di AVP ta trece dilanti su preocupacion. Ta husto pa gobierno splica kico ta spera dia 1 di Januari 2020 pa loke ta trata e tema di impuesto y e reforma fiscal cu a wordo anuncia, Arends a remarca.

- Advertisement -

DUNA COMENTARIO

Please enter your comment!
Please enter your name here