Home Enseñanza Studiantenan di OGM na Universidad di Aruba a haya e oportunidad di...

Studiantenan di OGM na Universidad di Aruba a haya e oportunidad di haci pregunta na Parlamentario Marisol Lopez-Tromp durante un charla

106
0
SHARE
- Advertisement -

ORANJESTAD (AAN) –  Lider di Fraccion POR den Staten, sra. Marisol Lopez-Tromp a duna un presentacion na e studiantenan di e prome aña di e estudio Organization, Governance and Management (OGM).

Sra. Lopez-Tromp, como ex-Minister, a papia tocante di e tareanan di un Minister den e proceso di traha y ehecuta maneho. Otro topico tabata e rol di Parlamento,  ambtenaar y consehero.

Tambe el a elabora riba politica en general na Aruba y e rol cu Reino y relacion internacional ta hunga. Despues di e charla, e studiantenan a haya e oportunidad pa haci pregunta na Parlamentario Lopez-Tromp.

Cada aña e docentenan Luciano Milliard y Helmut Vink ta invita den cuadro di e curso Governance, Policy and Organization (GPO) un ambtenaar of ex-ambtenaar di rango halto y un gobernante of ex-gobernante.

E meta ta pa e profesionalnan di futuro conoce di cerca e lidernan den comunidad cu ya pa hopi aña ta traha na bienestar di Pais Aruba den diferente funcion.

Den transcurso di e añanan, studiantenan di OGM tabata tin e privilegio di haya un charla di ex-Gobernador di Aruba sr. Fredis Refunjol, ex-Minister President sr. Nelson Oduber, ex-Minister di Husticia sr. Arthur Dowers y ex-Minister di Enseñansa sra. Mary Wever-Lacle.

 

- Advertisement -

DUNA COMENTARIO

Please enter your comment!
Please enter your name here