Home Enseñanza Simar luchando pa docentenan na Aruba para menos ora awor den klas

Simar luchando pa docentenan na Aruba para menos ora awor den klas

661
0
SHARE
- Advertisement -

ORANJESTAD (AAN): Durante un agasaho special teni na sede di Sindicato Simar, a honra e tres ex-Presidente di e organizacion dilanti invitadonan y demas miembronan.  Esaki den cuadro di e di 50 aniversario di Simar.

E president actual, Josephine Albertus tabata e persona cu a hiba palabra durante e actividad aki.  Directiva actual di Simar tabata contento cu presencia di hopi miembro y ex-miembro di e trayecto largo di e Sindicato.

Señora Albertus a mustra cu nan a organiza e anochi special aki pa clausura nan aña di festeho.  Nan a tuma 1 minuut di silencio pa tres ex-docente cu durante 2019 a fayece.

Tirando un bista bek riba 2019, Sindicato Simar a experiencia esaki como uno turbulento.  Nan tabata envolvi den diferente situacion riba tereno di enseñanza.  Trabao di directiva ta uno hopi cu ta exigi energia, tempo, y pasenshi.  No djis pasenshi cu otro, pero tambe pasenshi cu ta haya di famia na cas.  Pasobra ta oranan largo ta haciendo trabao sindical, mientras cu nan tin famia ta warda riba nan na cas.

Simar a sostene diferente scol tambe cu e cambio drastico den maneho cu a keda introduci.  Riba tereno di seguridad, Simar tambe a yuda como cu e ta den un comision unda ta dialoga pa trece puntonan cardinal pa maestronan riba parti di seguridad y documenta esaki.

Si mira tambe, e topico di indexering keto bay ta wordo vigila, y aunke cu aworaki fin di aña lo no tin dialogo riba dje mas, toch pa 2020 e directiva lo keda para fuerte pa asina mantene e posicion di miembronan pa sigui riba dje.

Dos siman pasa, Simar tabata activamente presente ora cu e Arbo-Wet a wordo dialoga, y ta contento pa mira cu e tres componentenan cu a sobresali den Arbo-Wet ta e parti di salud, seguridad, y bienestar di e maestro.

Simar ta contento pa mira cu e tres gremionan, esta Sindicatonan, gremio Comercial, y Gobierno a bin na acuerdo pa aproba e Arbo-Wet y awor e por sigui su caminda pa keda ancra den ley.

Simar aworaki ta ocupa cu reunionnan cu directivanan di scol, cu Directie Onderwijs, y tambe Inspectie riba e cambio di e total di oranan cu un docente ta para dilanti klas.  Nan kier haci esey, pasobra aworaki un docente ta para 32 lesuur dilanti klas, y nan kier bahe na 27 lesuur.

“Nos kier baha esey tambe,” ta loke Josephina Albertus di Simar a indica durante e presentacion.

Segun e lider Sindical, nan sa di experiencia cu e docentenan na Aruba ta traha duro cu hopi perseverancia y energia tur dia, y si bo compara esey cu docentenan den Caribe, aworaki esnan di Aruba ta parando mas lesuur dilanti klas.  Demas docentenan den Caribe ta para menos lesuur.

Compara cu e resto di Caribe, e pago salarial ta mas malo tambe riba Aruba.  Pesey Sindicato Simar lo sigui traha riba e punto aki pa mehora e puesto di cada docente na Aruba.

 

- Advertisement -

DUNA COMENTARIO

Please enter your comment!
Please enter your name here